ಎಚ್ಐಎಫ್ ಪ್ರೊಜೆಕ್ಟ್ ಆಶಿಯಾನ ವತಿಯಿಂದ 11ನೆ ಮನೆ ಉದ್ಘಾಟನೆ
ಮಂಗಳೂರು: ಹೈಲ್ಯಾಂಡ್ ಇಸ್ಲಾಮಿಕ್ ಫೋರಂ (ಎಚ್ಐಎಫ್) ಪ್ರೊಜೆಕ್ಟ್ ಅಶಿಯಾನ ವತಿಯಿಂದ 11ನೆ ಮನೆ ಉದ್ಘಾಟನಾ ಸಮಾರಂಭವು ಪೂಂಜಾಲಕಟ್ಟೆಯಲ್ಲಿ ರವಿವಾರ ನಡೆಯಿತು.
ಪ್ರತಿ ವರ್ಷಕ್ಕೆ 10 ಮನೆಗಳನ್ನು ನಿರ್ಮಿಸುವ ಗುರಿಯನ್ನು ಹೊಂದಿರುವ ಎಚ್ಐಎಫ್ ಪ್ರೊಜೆಕ್ಟ್ ಆಶಿಯಾನ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿ, ಮಾತನಾಡಿದ ಮುಖ್ಯ ಅತಿಥಿಗಳು ಸಂಸ್ಥೆಗೆ ಶುಭ ಹಾರೈಸಿದರು.
ಸಂಸ್ಥೆಯ ಇನ್ನಿತರ ಕಾರ್ಯಕ್ರಮಗಳು ಮತ್ತು ಯೋಜನೆಗಳನ್ನು ಎಚ್ಐಎಫ್ ಅಧ್ಯಕ್ಷ ಸಾಜಿದ್ ಎ.ಕೆ. ವಿವರಿಸಿದರು. ಈ ಸಂದರ್ಭ ಗುತ್ತಿಗೆದಾರರಾದ ಅಬ್ದುಲ್ ಹಕೀಂ ಮತ್ತು ಸಮಾಜ ಸೇವಕ ಶಾಹುಲ್ ಹಮೀದ್ ಅವರನ್ನು ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ಉದ್ಯಮಿಗಳಾದ ಡೆಕ್ಕನ್ ಪ್ಲಾಸ್ಟ್ ಸಂಸ್ಥೆಯ ಆಡಳಿತ ನಿರ್ದೇಶಕರಾದ ಅಸ್ಗರ್ ಅಲಿ, ಅಬ್ದುಲ್ ಬಶೀರ್, ಮಸ್ಜಿದುಲ್ ಎಹ್ಸಾನ್ ಇಮಾಮ್ ಅಲ್ತಾಫ್ ಹುಸೈನ್, ಎಚ್ಐಎಫ್ ಪ್ರೊಜೆಕ್ಟ್ ಆಶಿಯಾನದ ಸಂಚಾಲಕ ನಾಝಿಮ್ ಎ.ಕೆ. ಹಾಗು ಇತರರು ಈ ಸಂದರ್ಭ ಉಪಸ್ಥಿತರಿದ್ದರು.
ನಾಝಿಮ್ ಎಸ್.ಎಸ್. ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು
