نئی دہلی14 اکتوبر (ایس او نیوز؍ایجنسی) راجستھان کے دارالحکومت میں زیکا مریضوں کی تعداد بڑھ کر 51 تک پہنچ گئی ہے۔ اس درمیان قومی ملیریا ریسرچ انسٹی ٹیوٹ کی ایک ٹیم نے جے پور کے مختلف حصوں سے مچھروں کے نئے نمونے جمع کئے۔مرکزی وزارت صحت کے ذرائع نے بتایا کہ کل 50 مریضوں میں زیکا وائرس کی تحقیقات کے نتیجے مثبت آئے ہیں۔ ان میں سے 11 حاملہ خواتین ہیں۔ شاستری نگر علاقے کے بعد پڑوس کے سندھی کیمپ میں راجپوت ہاسٹل میں رہنے والے تین طالب علموں کی تحقیقات کے نتیجے مثبت آئے ہیں۔وائرس سے متاثر ہونے کا سب سے پہلا معاملہ 22 ستمبر کو آیا جب 85 سالہ خاتون کی تحقیقات کے نتیجے مثبت آئے تھے ۔ خاتون نے سابق میں کہیں کا سفر بھی نہیں کیا تھا۔وائرس کے پھیلنے سے روکنے کے لئے شاستری نگر علاقے میں دھوئیں کا سپرے کیا گیا ۔اس سے پہلے محکمہ صحت کے ایک افسر نے کہا تھا کہ 30 معاملے میں علاج کے بعد مریضوں کی حالت ٹھیک ہو رہی ہے۔جے پور میں نگرانی ٹیموں کی تعداد 50 سے بڑھا کر 170 کر دی گئی ہے اور زیکا وائرس متاثر مریضوں کے علاج کے لئے ہیراباغ تربیتی مرکز میں الگ سے ایک خصوصی وارڈ بنایا گیا ہے۔