کرکٹر یوراج سنگھ کے خلاف گھریلو تشدد کا معاملہ درج
نئی دہلی ،18؍اکتوبر (ایس او نیوز؍آئی این ایس انڈیا)ٹیم انڈیا کے کرکٹر یوراج سنگھ اور ان کے خاندان کے دیگر ممبران کے خلاف گھریلو تشدد کا معاملہ درج کرایا گیا ہے۔ یوراج کی بھابھی آکانچھا شرما نے یہ کیس درج کرایا ہے۔ ذرائع کے مطابق آکانچھا کی وکیل سواتی سنگھ ملک نے بتایا کہ ان کی موکل نے شوہر جوراور سنگھ، ساس شبنم سنگھ اور دیور یوراج سنگھ کے خلاف گھریلو تشدد کا معاملہ درج کرایا ہے۔ معاملے کی سماعت 21اکتور کو ہوگی۔
سواتی نے یہ بھی کہا کہ یوراج کی ماں شبنم نے حال ہی میں آکانچھا کے خلاف ایک شکایت درج کرائی تھی۔ جس میں انہوں نے شادی میں دی گئی جیولری اور دیگر سامان واپس مانگے تھے۔ یوراج کے خلاف بھی کیس درج کئے جانے کے متعلق سوال پر آکانچھا شرما کی وکی نے کہا کہ گھریلو تشدد کا مطلب صرف جسمانی تشدد نہیں ہے۔ اس کا مطلب ذہنی اور اقتصادی استحصال سے بھی ہے۔ یوراج پر بھی یہ بات نافذ ہوتی ہے کیونکہ جب آکانچھا کے ساتھ غلط ہو رہا تھا تب یوراج سنگھ چپ رہے۔
انہو ں نے کہا کہ جب آکانچھا کے شوہراور ساس اس پر بچے کے لیے دباؤ بنا رہے تھے۔ تب یوراج نے بھی ہاں میں ہاں ملائی۔ شبنم کے بارے میں انہوں نے بتایا کہ وہ ہمیشہ چڑھی رہتی ہیں۔ جوراور اور یوراج کی ہر معاملے میں دخل دیتی ہیں۔ سواتی کے مطابق آکانچھا پر جب اس کے شوہر اور ساس بچہ پیدا کرنے کے لیے زور دے رہے تھے تب یوراج نے اپنے خاندان کا ساتھ دیا تھا۔ سواتی نے الزام لگایا کہ شبنم، جوراور اور آکانچھا کی زندگی میں بہت دخل دیتی تھیں۔