کاروار میں ایک نوجوان جھیل میں غرق ہوکر ہلاک

Source: S.O. News Service | By I.G. Bhatkali | Published on 11th September 2018, 12:23 PM | ساحلی خبریں |

کاروار11/ستمبر (ایس او نیوز) تعلقہ کے امدلّی کی ایک جھیل سے ایک نوجوان کی نعش آج منگل صبح برآمد کی گئی، جس کے تعلق سے بتایا گیا ہے کہ وہ کل پیر کو اپنے دوستوں کے ساتھ تیرنے کے دوران غرق ہوکر لاپتہ ہوگیا تھا۔

برآمدکی گئی نعش کی شناخت  ساگر چھترپتی ہری کانت (27) کی حیثیت سے کی گئی ہے۔

ذرائع سے ملی اطلاع کے مطابق  کل پیر کو تین دوست امدلّی میں واقع کپّے ہونڈا میں تیرنے کی غرض سے گئے تھے، جس کے دوران ایک نوجوان غرق ہوگیا۔ مگر دوستوں نے  غرق ہونے کی بات کسی کو بھی نہیں بتائی۔ بتایا گیا ہے کہ ساگر جب رات کو واپس گھر نہیں لوٹا تو  گھروالے پریشان ہوکر اس کی تلاش میں جٹ گئے، جس کے بعد آج صبح ساگر کی نعش متعلقہ جھیل سے برآمد کی گئی۔

کاروار مضافاتی پولس تھانہ میں معاملہ درج کیا گیا ہے اور پولس مزید چھان بین کررہی ہے۔

ایک نظر اس پر بھی

بھٹکل میں تحصیلدار کے حکم پر ہیلتھ انسپکٹر نے ضبط کئے سمندری سیپیں؛ جانچ کے لئے مینگلور روانہ؛ خرید وفروخت پر لگائی پابندی

تعلقہ بھر میں سمندری سیپیاں کھانے سے بیمار پڑنے کے معاملات میں اضافہ کو دیکھتے ہوئے تعلقہ انتظامیہ نے حفاظتی اقدامات کے طور پر  ان سیپیوں کی خرید وفروخت پر بھٹکل میں پابندی عائد کردی ہے ۔ اس تعلق سے آج پیر کو جیسے ہی سمندری سیپیاں بھٹکل مچھلی مارکٹ میں پہنچی، میونسپل ہیلتھ ...

بھٹکل میں سمندری سیپی کھانے سے بیمار ہونے کا سلسلہ جاری : 100سے زائد لوگ بیمار ہونے پر تحصیلدار نے اسپتال پہنچ کر کیا معائنہ؛ عوام سے سیپیاں نہ کھانے میڈییکل آفسر کی ہدایت

تعلقہ میں سمندری سیپی کے کھانے سے بیمار ہونےکا سلسلہ جاری رہنے سے عوام خوف و ہراس  میں مبتلا ہیں۔ اتوار کو تعلقہ میں 100سے زائد لوگ سیپی کھانے سے بیمار ہو کر اسپتال میں داخل ہونے کا پھر واقعہ پیش آیا ہے۔

بھٹکل کارگیدے مسجد مزمل کے سامنے سڑک کی تعمیر کو لے کر علاقہ کے عوام کی رکن اسمبلی سنیل نائک سے ملاقات

  کارگیدے مسجد مزمل کے سامنے پکی سڑک کی  تعمیر کو لے کر علاقہ کے عوام نے بھٹکل رکن اسمبلی سنیل نائک سے ملاقات کی اور سڑک کی خستہ حالی  سے اُنہیں واقف کراتے ہوئے  اوپری حصہ کی طرف زیرتعمیر سڑک کو آگے بڑھاتے ہوئے مسجد مزمل اور اس سے نیچے تک توسیع دینےکی اپیل کی۔