موبائل پر بات کرنا پڑگیا مہنگا؛ کاروار میں ٹرین سے ٹکرا کر نوجوان ہلاک

Source: S.O. News Service | By I.G. Bhatkali | Published on 11th August 2018, 9:20 PM | ساحلی خبریں | ان خبروں کو پڑھنا مت بھولئے |

کاروار 11/اگست (ایس او نیوز) ایک نوجوان کو موبائل پر بات کرتے ہوئے ریلوے پٹری پر سے گذرنا اتنا مہنگا پڑ گیا کہ اُسے اپنی جان سے ہاتھ دھونا پڑا۔ یہ واردات آج سنیچر شام کو کاروارکے امدلّی  میں پیش آئی ہے۔

دونوں کانوں میں ائرفون ٹھونس کر نوجوان موبائل کے ذریعے کسی کے ساتھ بات کرنے میں اتنا مگن تھا کہ اُسے پتہ ہی نہیں چل پایا کہ پیچھے ٹرین آرہی ہے۔ مرنے والے کی شناخت انکولہ تعلقہ کے   باوی کیری کے رہنے والے گنیش نائک (24) کی حیثیت سے کی گئی ہے۔

ٹرین کی ٹکر کے بعدنوجوان کے سر کو شدید چوٹ لگی  اوروہ  پٹری سے باہرجاگرا۔

اطلاع ملتے ہی پولس جائے وقوع پر پہنچی اور لاش کو پوسٹ مارٹم کے لئے سرکاری اسپتال پہنچایا۔

کاروار مضافاتی پولس تھانہ میں معاملہ درج کیا گیا ہے۔

ایک نظر اس پر بھی

کاروار: بارش ہونے پر پہاڑ کھسکنے کا خدشہ : عوام خوف زدہ

ریاست کے ضلع کورگ اور ریاست کیرلا  میں بارش کی وجہ سے جو سنگین حالات پیدا ہونے سے وہاں جو آفت بپا ہوئی ہے وہ تو سب کے سامنے ہے ، یہاں کاروار تعلقہ کے ارگا ، سنکروباگ میں  ایک پہاڑ جیسے تیسے کھود کر   ادھورہ چھوڑ دینے سے خطرے کی گھنٹی بجارہاہے، اب پہاڑ کو نکال باہر کرنے کے دوران ...

کاروارساحل پر بیرونی ریاستوں کی ماہی گیر کشتیاں : ہفتہ بھر سے لنگر ڈالے تمل ناڈو، کیرلا وغیرہ کی بوٹس

بحرہ عرب میں چلنے والی طوفانی موجوں کی تاب نہ لاکر گذشتہ ایک ہفتہ سے پڑوسی ریاستوں کی ماہی گیر کشتیاں کاروار ساحل پر ڈیرہ ڈالے ہوئے ہیں۔ جہاں انہیں کھانے پینے کا انتظام کیاجارہاہے، اسی طرح کاروار بندر گاہ سے پڑوسی ریاستوں کے ماہی گیر اناج وغیرہ خرید کر لے جارہے ہیں۔ کیرلا اور ...

بھٹکل کے قریب منکی میں زمین کو لے کر ایک شخص کاقتل، بیوی زخمی؛ ملزم گرفتار

پڑوسی تعلقہ ہوناور کے منکی میں زمین کے معاملے کو لے کر ایک بھائی نے دوسرے بھائی کا قتل کردیا جبکہ اُس کی بیوی جو بیچ بچائو کرنے کی کوشش کررہی تھی،  زخمی ہوگئی، واردات آج پیر دوپہر کو منکی کے  تالمکّی میں  پیش آئی ۔

سیلاب متاثرین کی طرف بسکٹ پھینکنے پر وزیر تعمیرات عامہ ایچ ڈی ریونا تنازعے میں گھرگئے؛ کئی حلقوں میں شدید ناراضگی

ریاستی وزیر برائے تعمیرات عامہ ایچ ڈی ریونا کی طرف سے کورگ اور رامناتھ پورہ کے سیلاب زدگان کی راحت کاری مہم کے دوران متاثرین کی طرف بسکٹ پھینکے جانے کا معاملہ تنازعے کا سبب بنا ہوا ہے۔