بھٹکل کے قریب منکی میں جواں سال خاتون ٹرین کی زد میں آکر ہلاک؛ خودکشی کا شبہ

Source: S.O. News Service | By I.G. Bhatkali | Published on 8th September 2018, 10:58 PM | ساحلی خبریں |

بھٹکل 8/ستمبر (ایس او نیوز) پڑوسی تعلقہ ہوناور کے منکی قصبہ میں ایک جواں سال خاتون ٹرین کی زد میں آکر ہلاک ہوگئی، جس کے تعلق سے شبہ ظاہر کیا جارہا ہے کہ اس نے خودکشی کی ہے۔

مہلوک کی شناخت مالنی مادیو گوڈا (23) کی حیثیت سے کی گئی ہے ۔ 

ذرائع نے بتایا کہ آننت واڑی اور منکی کے درمیان منکی  ریلوے اسٹیشن کے قریب  جمعہ کی شام قریب 4:30 بجے یہ واردات پیش آئی۔  بتایا گیا ہے کہ   مالنی گوڈا  ایرناکولم سے پونا جانے والی ٹرین کی زد میں آگئی تھی۔ حادثے میں اس کے جسم کے چیتھڑے اُڑ گئے اور کافی دور تک بکھر گئے۔ نعش کے دونوں پائو ں اور دونوں ہاتھ الگ الگ ہوکر اِدھر اُدھر بکھر گئے تھے اور دل کو دہلا دینے والا منظر تھا۔

ذرائع نے بتایا کہ جائے حادثہ سے مہلوک مالینی کا مکان قریب دو کلومیٹر دور ہے، اس بات کا پتہ نہیں چل پایا ہے کہ آیا وہ پیدل چل کر وہاں پہنچی تھی  یا کسی نے اُسے ڈراپ کیا تھا، پولس اس بات کا بھی پتہ لگانے میں جٹ گئی ہے کہ آیا اس نے خودکشی کی ہے تو اس کے پیچھے کیا راز  ہے۔

اطلاع ملتے ہی منکی کےسماجی کارکن ذاکر کٹنگری اور فہیم شینگیری پولس کے ساتھ موقع واردات پر پہنچے اور ٹرین کی پٹری پر بکھرے جسم کے تکڑوں کو یکجا کرکے  نعش کو پوسٹ مارٹم کے لئے سرکاری اسپتال پہنچانے میں پولس کی مدد کی۔

رات کو ہی پوسٹ مارٹم کے بعد نعش کو گھروالوں کے حوالے کیا گیا۔

منکی پولس تھانہ میں معاملہ درج کیا گیا ہے ۔

 

ایک نظر اس پر بھی

بھٹکل تعلقہ میں 24 ستمبر سے ’’سوچھیتا ہی سیوا‘‘ صفائی مہم کا آغاز:تعلقہ انتظامیہ نے کی  عوام سے شرکت کی اپیل

24ستمبر سے 08اکتوبر 2018تک تعلقہ بھر میں تعلقہ انتظامیہ ، بھٹکل بلدیہ اور جالی پنچایت کی طرف سے مشترکہ طورپر  ’’ سوچھیتا ہی سیوا ‘‘  کے عنوان سے عوامی خدمت اور پاکی صفائی پروگراموں کا انعقاد کئے جانے کی تحصیلدار کی طرف سے جاری کردہ پریس ریلیز میں جانکاری دی گئی ہے۔

اتر کنڑاضلع لوک آیوکتہ ایس پی کے ذریعے عوامی شکایات کی سماعت : 24ستمبر کو  بھٹکل کا دورہ

ضلع کے مختلف تعلقہ جات میں 24ستمبر سے 26ستمبر تک لوک آیوکتہ پولس سپرنٹنڈنٹ  اور ڈی وائی ایس پی عوام سے شکایات کی سماعت اور اس تعلق سے تحریر ی عرضیاں حاصل کر نے پریس ریلیز کے ذریعے جانکاری دی گئی ہے۔

بھٹکل انجمن پی یوکالج نے جیتا ضلع لیول کبڈی ٹورنامنٹ میں چمپئین شپ کا خطاب

اترکنڑا ضلع پی یو بورڈ تعلیمات عامہ ، وائی ٹی ٹی ایس پی یو کالج یلاپور اور سرکاری پی یو کالج یلاپور کے اشتراک سے یلاپور سرکاری پی یوکالج کے کالما تعلقہ کھیل میدان میں منعقدہ پی یو کالج ضلع لیول کبڈی ٹورنامنٹ میں انجمن پی یو کالج بھٹکل کی ساحل عمری کی کپٹن شپ میں  چمپئین شپ کا ...

کونکن ریلوے لائن پر بجلی لائن کے کام کی وجہ سے منگلورو ۔ مڈگاؤں ٹرین 23ستمبر کو نہیں چلے گی: دیگر ٹرینوں کے اوقات میں تبدیلی

کونکن ریلوے لائن کو بجلی لائن سے جوڑ نے کا کام شروع ہونے کی وجہ سے 23ستمبر کو منگلورو سنٹرل۔ مڈگاؤں ۔ منگلورو سنٹرل انٹر سٹی ایکسپرس ٹرین (نمبر 22636/22635) نہیں چلنے کی ریلوے ذرائع نے جانکاری دی ہے۔