بی جے پی کی بنیادجھوٹ پرہے،تعلیمی بھگواکرن کی کوشش جاری:ممتابنرجی

Source: S.O. News Service | By Shahid Mukhtesar | Published on 11th January 2018, 1:01 PM | ملکی خبریں |

کولکاتہ،10؍جنوری (ایس او نیوز؍آئی این ایس انڈیا)مغربی بنگال کی وزیر اعلیٰ ممتا بنرجی نے آج شمالی بنگال کے علی پور دوار ضلع میں بی جے پی کی شدید تنقید کرتے ہوئے کہاہے کہ اس سیاسی جماعت کی بنیاد جھوٹ پر اور جھوٹ کے ذریعہ اپنے دائرہ کار کو وسیع کرنے کی کوشش کررہی ہے۔ علی پور ضلع جسے گزشتہ سال ہی بنایا گیا ہے کے لیے آج وزیر اعلیٰ نے آج نئی کمپلیس عمارت ’’دوارس کنیا‘‘ کا افتتاح کیا۔ یہاں ضلع کے بیشتر دفاتر ہوں گے۔ وزیر اعلیٰ ممتا بنرجی نے آر ایس ایس پر تعلیم کو زعفرانی کرنے کا الزام عاید کرتے ہوئے کہا کہ آر ایس ایس تعلیم کے نام پر بچوں کے ذہن و دماغ کوپراگندہ کررہی ہے۔انہوں نے کہا کہ بنگال میں زعفرانی ایجنڈا نہیں چلے گا۔وزیرا علیٰ نے کہا کہ بنگال ہمیشہ سے سیکولرازم روایات کا امین رہا ہے اور آئندہ بھی رہے گا۔ وزیر اعلیٰ ممتا بنرجی نے کہا کہ بی جے پی کی قیادت والی مرکزی حکومت بنگال کے ساتھ سوتیلا سلوک کررہی ہے اور اس کی وجہ سے مرکزی فنڈ صحیح وقت میں نہیں مل رہا ہے۔وزیرا علیٰ نے بنگال کو کئی سال پیچھے کرنے کے لیے سی پی ایم کی قیادت والی سابقہ بایاں محاذ حکومت کو مورد الزام ٹھہراتے ہوئے کہا کہ سی پی ایم کے34سالہ دورِحکومت میں بنگا ل کی ترقی کی طرف کوئی توجہ نہیں دی گئی اور ہم ان کے قرضوں کا بوجھ برداشت کررہے ہیں۔ اس موقع پر وزیر اعلیٰ نے علی پور ضلع انتظامیہ کے ساتھ میٹنگ کرکے ضلع میں جاری ترقیاتی پروجیکٹوں کا جائزہ لیا اور دودرجن نئے پروجیکٹوں کا افتتاح کیا۔اس موقع پر وزیر اعلیٰ نے مختلف اسکیموں کے تحت بچوں اور بچیوں کے درمیان اسکالر شپ اور دیگر فنڈز بھی تقسیم کیا۔وزیرا علیٰ نے کہا کہ علی پور دوار کو نیا ضلع بنانے کا مقصد ترقیاتی پروجیکٹوں میں تیزی لانا ہے اور عوام کے مسائل کو جلد سے جلد حل کرنا ہے۔انہوں نے کہا کہ وہ شمالی بنگال کو ریاست کا ترقی یافتہ علاقہ بنانے کی ہرممکن کوشش کررہی ہیں اور ہم کسی بھی علاقے کو نظر انداز نہیں کرتے ہیں۔

ایک نظر اس پر بھی

رافیل جنگی طیارہ سودے کو لے کر راہول گاندھی نے کیا وزیر دفاع سے استعفیٰ کا مطالبہ

کانگریس صدر راہل گاندھی نے وزیر دفاع نرملا سیتا رمن پر رافیل جنگی طیارہ سودے کو لے کر لگا تار جھو ٹ بولنے کا الزام لگاتے ہوئے کہا ہے کہ ان کے جھوٹ کی پول کھلتی جا رہی ہے اس لئے اب وہ اپنے عہدے سے استعفیٰ دے دیں۔

جیٹ ایئرویز کے سیفٹی آڈٹ کا حکم، پائلٹ صاحب  ہوا کا دباو کم کرنے والا سوئچ آن کرنا ہی بھول گئے

جیٹ ائیرویز کے طیارہ میں پائلٹ ٹیم کی غلطی کی وجہ سے مسافروں کی طبیعت بگڑنے کے معاملہ میں شہری ہوابازی کی وزارت نے ڈی جی سی اے کو ایئر لائن کا سیفٹی آڈٹ کرنے کا حکم دیا ہے۔ شہری ہوابازی کے وزیر سریش پربھو نے اس معاملہ میں جانچ کی ہدایت بھی دی ہے۔

تین طلاق پر آرڈیننس لانامودی حکومت کی ہٹ دھرمی اورمسلم خواتین کو گمراہ کرنے کی مذموم کوشش:مولانا اسرارالحق قاسمی

معروف عالم دین وممبر پارلیمنٹ مولانا اسرارالحق قاسمی نے تین طلاق پرمودی حکومت کے آرڈیننس لانے کے اقدام کوقطعی نامناسب اور ضدو ہٹ دھرمی پر مبنی قرار دیتے ہوئے کہا ہے کہ حکومت کو موقر ایوان اور دستور کی کوئی پروانہیں ہے اور وہ آئندہ عام انتخابات کے پیش نظر مسلم خواتین کو گمراہ ...

بھساول ۔ناسک ٹاڈا مقدمہ؛ سرکاری گواہ کا پولس کی جانب سے لالچ دیئے جانے کا اعتراف؛ عرضداشت پر بحث مکمل، ۲۷؍ ستمبر کو ہوگا فیصلہ

24؍ سال پرانے بھساول۔ناسک ٹاڈا مقدمہ میں گذشتہ کل تیسر ے سرکاری گواہ کی گواہی عمل میں آئی جس کے دوران اس نے جمعیۃ علماء مہاراشٹر (ارشد مدنی) کی جانب سے مقرر کردہ دفاعی وکیل شریف شیخ کی جرح کی دوران اعتراف کیا کہ وہ اس معاملے میں پہلے ملزم تھا اور تحقیقاتی دستہ نے اس کا 164 اور 161 ...

طلاق دینے پر صرف مسلم مردوں کو سزاء کیوں؟ ہندومردوں کو سزاء کیوں نہیں؟ کویتا کرشنن کا سوال

ملک کی اپوزیشن جماعتوں اور سرگرم خاتون کارکنوں نے کل جبکہ حکومت ہند ’’ بیک وقت تین طلاق ‘‘ کو ایک تعزیری جرم قراردینے ‘ آرڈیننس جاری کرنے کا راستہ اختیار کیا ہے‘ حکومت سے پوچھا ہے کہ ایسے ہندومَردوں کیلئے مذکورہ نوعیت کی دفعات کیوں نہیں بنائی گئیں جو اپنی بیویوں کو ...