یوگی حکومت نے شیعہ وقف بورڈکے چھ اراکین کوہٹایا

Source: S.O. News Service | By Shahid Mukhtesar | Published on 18th June 2017, 12:04 PM | ملکی خبریں |

لکھنؤ، 17؍جون (ایس او نیوز؍آئی این ا یس انڈیا )اترپردیش کی یوگی آدتیہ ناتھ حکومت نے شیعہ وقف بورڈکے خلاف بڑی کارروائی ہے۔حکومت نے بورڈکے چھ اراکین کوعہدے سے ہٹادیاہے۔ان ارکان میں سابق راجیہ سبھاممبرپارلیمنٹ اخترحسن رضوی،مرادآباد کے سید ولی حیدر،مظفرنگرکی افشاں زیدی، بریلی کے سید عظیم حسین، حکومت میں خصوصی سیکرٹری نجم الحسن رضوی اورعلمیٰ زیدی شامل ہیں۔ان تمام لوگوں کو 2015میں پیشرو ایس پی حکومت کی طرف سے منتخب کیاگیاتھا۔وہیں دوسری طرف وقف بورڈ میں بدعنوانی کو لے کر یوگی حکومت کے وقف بورڈز کو تحلیل کرنے کے نوٹس کے بعد سے ہنگامہ مچ گیا۔شیعہ وقف بورڈکے چیئرمین وسیم رضوی نے کہاہے کہ میں خودچاہتا ہوں کہ سی بی آئی جانچ ہو۔اقلیتی امورکے وزیرلکشمی نارائن چودھری کاکہناہے کہ وقف بورڈکے خلاف ہزاروں شکایات ملی ہیں۔ان میں پھیلی بدعنوانی کی شکایت لے کر لوگ مسلسل آ رہے ہیں۔نہ صرف وقف بورڈکے ارکان پر بلکہ ان چیئرمین پر بھی بدعنوانی کے سنگین الزامات ہیں۔غورطلب ہے کہ ریاست کے شیعہ اور سنی وقف بورڈمیں وقف املاک کی بندر بانٹ کے سنگین الزام لگے ہیں۔وقف کونسل آف انڈیا کی طرف سے حال ہی میں ان الزامات کی تحقیقات میں بھی مختلف بے ضابطگیاں پائی گئی تھیں۔شیعہ وقف بورڈ پر لگے الزامات کی جانچ میں بورڈکے موجودہ صدر وسیم رضوی کا کردار مشتبہ ماناگیاتھا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...