ایودھیا: رام کی سب سے بڑی مورتی نصب کرنے کی یوگی کی کوشش 

Source: S.O. News Service | By Shahid Mukhtesar | Published on 10th October 2017, 11:50 PM | ملکی خبریں |

لکھنؤ:10؍اکتوبر ( ایس او نیوز؍آئی این ایس انڈیا ) ایودھیاکے رام مندر کا مسئلہ اگرچہ سپریم کورٹ میں زیر التوا ہو؛ لیکن متنازع مقام سے تھوڑی ہی دور سریو ندی کے کنارے اتر پردیش کے وزیر اعلی یوگی آدتیہ ناتھ رام کی ایک بڑی مورتی نصب کریں گے. یہ کہا جا رہا ہے کہ یہ دنیا میں رام کا سب سے بڑا مجسمہ ہوگا ۔ اس کے لئے،حکومت این جی ٹی سے بھی اجازت طلب کرے گی۔ رام کے مجسمہ کی تنصیب یوگی حکومت کی’’ زیر تعمیر رام مندر‘‘ منصوبہ بندی کا ایک حصہ ہو گی۔یہی نہیں اس بار دیوالی کے موقع پر جسے رام کے ایودھیا واپسی کا دن بھی سمجھا جاتا ہے، یوگی آدتیہ ناتھ خود ان کے ’’تصوراتی آمد‘‘ کے استقبال کے لئے موجود ہوں گے ۔ قیاس ہے اس بار ایودھیا کو دیوالی کے موقع پر ویسے ہی سجایا جائے گا جیسا کہ دیوالی کے دن لنکا کے راجہ راون پر فتح حاصل کرنے کے بعد سجایا گیا تھا ۔ اس موقع پر رام کی ایودھیا واپسی کی تھیم پر ایک خوبصورت شوبھا یاترا بھی نکالی جائے گی۔ جو چھوٹی دیوالی کے دن تقریبا دوپہر 2 بجے کے متصل ایودھیا میں داخل ہوگی ۔ اس کے بعد وزیراعلی یوگی اور ان کے کابینہ کے وزرا نے رام کی ’’ پوجا ارچنا‘‘ بھی کریں گے ۔ اس موقع پر انڈونیشیا اور تھائی لینڈ کے فنکار رام کے ایودھیاواپسی کے پس منظر میں ایک اسٹیج شو بھی کریں گے جو سریو ندی کے کنارے منعقد کیا جائے گا ، جہاں اس کو مذہبی جوش و خروش کے ساتھ سجایا جا رہا ہے ۔ رام کے پیڑی پر ایک لک لاکھ ستر ہزار دیئے روشن کئے جائیں گے ۔واضح ہو کہ یوگی آدتیہ ناتھ کے وزیر اعلی بننے کے بعدایودھیا مستقل سرخیوں میں ہے اور یوگی از خود تین مرتبہ اس کا دورہ کر چکے ہیں ۔ مصدقہ اطلاعات کے مطابق ایودھیا میں رام سے متعلق تمام جگہوں کوسجانے کی منصوبہ بندی کی گئی ہے۔یہ بھی سنسنی خیز انکشاف ہے کہ یوگی کے وزیر اعلی بننے کے بعد اب تک ایودھیا میں رام مندر بنانے کے لئے 14 ٹرک پتھر پہنچ چکا ہے ۔ رام مندر ورکشاپ میں نقاشی کا عمل فن تعمیر کے ماہرین کے ذریعہ مسلسل چل رہاہے۔ جب کہ عدلیہ کی طرف سے رام مندر کے متعلق فیصلہ ابھی بھی زیرغورہے ۔

ایک نظر اس پر بھی

اے ایم یوریزرویشن: مولانا ولی رحمانی نے پیش کیا 50-50 کا فارمولہ، اولڈ بوائزنے ٹھکرائی تجویز

مسلم پرسنل لا بورڈ کے جنرل سکریٹری مولانا محمد ولی رحمانی نے علی گڑھ مسلم یونیورسٹی سے متعلق  بڑا بیان دیتے ہوئے کہا ہے کہ اے ایم یوکو لے کرپولرائزیشن کی سیاست کی جارہی ہے۔ اس پرپرسنل لا بورڈ نے 50 فیصد مسلم اور 50 فیصد دلت ریزرویشن  کی تجویز پیش کردی۔

چنئی میں 11سالہ بچی کی 7 مہینے تک عصمت دری؛ 18 لوگوں گرفتار

چنئی میں 11سال کی بچی کی مبینہ طور سے عصمت دری کرنے کے الزام میں پولیس نے18  لوگوں کو گرفتار کیا ہے۔ ان لوگوں پر الزام ہے کہ انہوں نے ایک اپارٹمنٹ میں سات مہینوں تک بچی کا جنسی استحصال کیا۔ گرفتار ملزموں کو منگل کو کورٹ میں پیش کیا گیا جہاں مشتعل ہجوم نے ملزموں کی پٹائی کردی۔