یمن کے شہر حرض میں حوثی باغیوں کے گرد گھیرا تنگ

Source: S.O. News Service | By Shahid Mukhtesar | Published on 31st December 2018, 12:39 PM | عالمی خبریں |

صنعاء31دسمبر(ایجنسی)یمن کے شمال مغربی صوبے حجہ میں سرکاری فوج نے ہفتے کے روز عرب اتحاد کی معاونت سے سرحدی شہر حرض کے مشرق میں نئے علاقوں کو آزاد کرا لیا۔ایک عسکری ذریعے کے مطابق یمنی فوج نے اچانک حملہ کر کے حرض شہر اور المخازن گاؤں کے اندر حوثی ملیشیا کو مکمل طور پر گھیرے میں لے لیا اور یمنی فوج کے ہراول دستے حیران کے محاذ پر پہنچ گئے۔ اس دوران لڑائی میں باغی حوثی ملیشیا کو بھاری جانی اور مادی نقصان اٹھانا پڑا۔ ادھر یمن کی فوج کے چیف آف اسٹاف جنرل عبداللہ النخعی نے باور کرایا ہے کہ تمام اہداف کے پورے ہونے ، آئینی حکومت کا مکمل کنٹرول واپس آنے، بغاوت کا خاتمہ ہونے اور یمن میں امن و استحکام یقینی بنائے جانے تک مختلف محاذوں پر عسکری کارروائیاں جاری رہیں گی۔ النخعی نے ہفتے کے روز مارب صوبے میں صراوح کے محاذ پر عسکری کارروائیوں اور ان کے نتیجے میں یمنی فوج اور عوامی مزاحمت کاروں کو حاصل ہونے والی کامیابیوں کو سراہا۔دبئی سے موصولہ اطلاع کے بموجب یمن میں حکومتی ذرائع نے اس خبر کی تردید کی ہے جس میں ایران نواز باغی حوثی ملیشیا کے الحدیدہ کی بندرگاہ سے انخلا کی بات کی گئی ہے۔ذرائع کے مطابق جمعہ کے روز ہونے والے اجلاس میں اقوام متحدہ کی نگراں ٹیم کے سربراہ جنرل پیٹرک کیمرٹ نے فریقین کو ایک یادداشت پیش کی جس میں مطالبہ کیا گیا کہ دونوں جانب سے یکم جنوری 2019 بروز منگل الحدیدہ میں فائر بندی اور از سر نو تعیناتی کے طریقہ کار کے حوالے سے تصورات پیش کیے جائیں۔ ذرائع نے باور کرایا کہ یمنی حکومت کے وفد نے الحدیدہ کی حوالگی کے اعلان کے حوالے سے ہفتے کے روز سرکاری طور پر اپنا احتجاج اقوام متحدہ کے سامنے پیش کیا۔ ادھر اقوام متحدہ کے مشن کے سربراہ نے حوثیوں کی جانب سے الحدیدہ کی بندرگاہ کی عدم حوالگی کا اقرار کیا۔اس سے قبل العربیہ کے نمائندے نے بتایا تھا کہ یمن میں آئینی حکومت کو الحدیدہ کی بندرگاہ سے حوثیوں کے انخلا کا کوئی نوٹیفکیشن موصول نہیں ہوا۔ہفتے کے روز اقوام متحدہ کے ایک عہدے دار نے کہا تھا کہ حوثی ملیشیا کے عناصر نے الحدیدہ کی بندگاہ سے انخلا شروع کر دیا ہے۔ مذکورہ عہدے دار نے اپنا نام ظاہر نہ کرنے کی شرط پر بتایا کہ بحر احمر پر پھیلی ہوئی اس بندرگاہ سے حوثیوں کا انخلا مقامی وقت کے مطابق نصف شب کے بعد شروع ہوا۔

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...