صعدہ میں حوثیوں کا اسلحہ ڈپو یمنی فوج کے کنٹرول میں

Source: S.O. News Service | By Shahid Mukhtesar | Published on 26th December 2018, 11:45 AM | عالمی خبریں |

دبئی ؍ صنعا ء 26دسمبر ( ایس او نیوز؍آئی این ایس انڈیا ) یمن کے صوبے صعدہ میں سرکاری فوج کو پیر کے روز حوثیوں کا ایک اسلحہ ڈپو ملا جس میں جدید ترین گائیڈڈ میزائل بھی موجود ہیں۔ اس ڈپو کو باغی ملیشیا اپنے ایک ٹھکانے سے فرار کے وقت چھوڑ گئی تھی۔عسکری ذرائع کے مطابق یہ ڈپو صعدہ صوبے کے شمال مشرق میں واقع ضلعے کتاف البقع کے نزدیک وادی آل بوجبارہ میں ملا جس کو کچھ عرصہ قبل آزاد کرایا گیا تھا۔ ڈپو میں بھاری اور درمیانے درجے کے ہتھیار موجود ہیں۔ذرائع نے باور کرایا کہ یمنی فوج نے کتاف ضلعے کی جانب اپنی پیش قدمی جاری رکھی ہوئی ہے اور وہ اس پر مکمل کنٹرول حاصل کرنے کے قریب ہے۔ادھر عرب اتحاد کے لڑاکا طیاروں نے صعدہ میں متعدد میزائل لانچنگ پیڈز کو تباہ کر ڈالا۔ حوثی ملیشیا ان مقامات کو فوج، دیہات اور شہریوں کے گھروں کو نشانہ بنانے کے واسطے استعمال میں لاتی تھی۔ اس سے قبل اتحادی طیاروں نے مجز ضلعے کے مختلف علاقوں اور سحر ضلعے میں باغیوں کے ٹھکانوں پر شدید بم باری کی۔دوسری جانب شمالی صوبے لحج کے ضلعے القبیطہ میں یمنی فوج نے باغیوں کے زیر قبضہ نئے ٹھکانے آزاد کرا لیے۔یمنی مسلح افواج کے میڈیا سینٹر نے عسکری ذرائع کے حوالے سے بتایا کہ القبیطہ ضلعے کے مشرقی محاذ پر آزاد کرائے جانے والے علاقوں میں پہاڑی سلسلوں کے علاوہ کئی علاقے شامل ہیں ۔ جب کہ مغربی سمت الکرب اور الکعبین کے علاقوں کو باغیوں کے قبضے سے چھڑا لیا گیا۔ذرائع کے مطابق اس دوران ہونے والی گھمسان کی لڑائی میں باغی حوثی ملیشیا کے درجنوں جنگجو ہلاک اور زخمی ہو گئے اور عسکری ساز و سامان کو بھی شدید نقصان پہنچا۔

ایک نظر اس پر بھی

2014 کے لوک سبھا انتخابات میں تمام ای وی ایم ہیک کئے گئے تھے: امریکن سائبر ایکسپرٹ کا دعویٰ؛ کیا ای وی ایم نے بی جے پی کو اقتدار دلایا ؟

 امریکہ میں مقیم ایک سائبر ماہر سید شجاع نے دعویٰ کیا ہے کہ   ہندستان میں    سال 2014میں ہوئےعام انتخابات میں استعمال کی گئی  الیکٹرونک ووٹنگ مشین (ای وی ایم) کو  ہیک کیا گیا تھا۔ 543 سیٹوں والے اس الیکشن میں بی جے پی کو282 سیٹوں پر شاندار کامیابی حاصل ہوئی تھی اور سن 1984 کے بعد پہلی ...

بنگلہ دیش انتخابات میں شیخ حسینہ کامیاب، اپوزیشن نے نتائج ماننے سے کیا انکار

خبر رساں اداروں کے مطابق بنگلہ دیشی وزیر اعظم شیخ حسینہ واجد کی حکمران جماعت عوامی لیگ نے اتوار 30 دسمبر کو ہونے والے عام انتخابات میں اپوزیشن کے مقابلے میں بڑی برتری حاصل کر لی ہے اور حتمی نتائج میں عوامی لیگ کو کل 350 نشستوں میں سے 281 نشستوں پر کامیابی حاصل ہوئی ہے۔

ایرانی حکومت ٹوئٹراستعمال کر رہی ہے مگر عوام کے لیے ممنوع ہے : امریکی سفیر

جرمنی میں امریکی سفیر رچرڈ گرینل کا کہنا ہے کہ ایرانی حکومت خود ٹویٹر کا استعمال کر رہی ہے مگر عوام کے لیے اس کا استعمال روکا ہوا ہے۔ انہوں نے یہ بات ایرانی پارلیمنٹ کے اسپیکر علی لاریجانی سے منسوب ٹویٹر اکاؤنٹ کھولے جانے پر تبصرہ کرتے ہوئے کہی۔اگرچہ ایرانی میڈیا نے مذکورہ ...