یلاپور آبشار میں پیر پھسل کر غرق ہونے والے متعلم کی نعش عقبی ندی سے برآمد
یلاپور :4/ اگست (ایس اؤ نیوز) یلاپور کے ساتوڈی ابشار میں پیر پھسل کر گرنے کے بعد لاپتہ ہونے والے طالب علم کی نعش کالی ندی کے عقبی علاقے سے جمعہ کو برآمد کرلی گئی ہے ۔ مہلوک کی شناخت منڈگوڈ تعلقہ گاندھی نگر کے مکین ، ڈگری کالج کا متعلم یوسف علاؤ الدین بٹی(19) کی حیثیت سے کی گئی ہے۔
ذرائع سے ملی اطلاع کے مطابق یوسف علاؤ الدین بدھ کی شام اپنے 14دستوں کے ساتھ آبشار کا لطف لینے ساتوڈی پہنچا تھا۔ دوستوں کے ساتھ تصویر لینے کے دوران پیر پھسل کر پانی میں گر کر لاپتہ ہوگیا تھا۔ دوستوں نے پولس کو اطلاع دیتے ہی محکمہ پولس ، فائر برگیڈ ، محکمہ فاریسٹ اور مقامی عوام نے بدھ کی شام سےہی آبشار میں تلاش کررہے تھے، مگرجمعہ کو آبشار کے عقبی علاقے کے بہتے پانی میں نعش تیرتی ہوئی نظر آئی ۔ جس کے بعد نعش کو کنارے لایاگیا۔
سی پی آئی ڈاکٹر منجوناتھ نایک، پی ایس آئی ایم ایس ہوگار، اے وائی کامبلے ، فائر برگیڈ کے افسران بھیم راؤ اوپار، نجونڈی کی نگرانی میں کارروائی انجام دی گئی اور نعش کو پوسٹ مارٹم کے بعد گھروالوں کے حوالے کی گئی۔
یلاپور پولس تھانہ میں معاملہ درج کیا گیا ہے۔