یلاپور:بس ڈرائیورکا قتل؛3ملزمین گرفتار،بار مالک لاپتہ
یلاپور، 8؍اکتوبر(ایس او نیوز)شہر کے پرمیلا بار اینڈ ریسٹوراں میں ہوئے کے ایس آر ٹی سی بس ڈرائیور کے قتل کے الزام میں تین افراد کو پولیس نے گرفتار کرلیا ہے۔
موصولہ رپورٹ کے مطابق ہوٹل میں قتل واقع ہونے کے باوجود ہوٹل مالک یا وہاں کے ملازمین نے پولیس کو اطلاع نہیں دی تھی اور کچھ اہم سراغ مٹادئے جانے کی بات بھی سامنے آئی ہے۔
گرفتار شدہ بار کے تینوں ملازمین کو عدالت میں پیش کرکے پولیس نے تحقیقات کے لئے انہیں اپنی تحویل میں لیا ہے۔ اس دوران پتہ چلا ہے کہ بار کا مالک سانتولین فرنانڈیزکا بیٹا جولیس فرنانڈیز لاپتہ ہوگیا ہے۔پولیس کاکہنا ہے کہ ثبوت مٹانے کی غرض سے قتل کے لئے استعمال کیا گیا چاقو اور دیگر اشیاء کو ہوٹل کے پچھواڑے میں مٹی کے اندر چھپاکر رکھا گیا تھا۔پولیس مزید تحقیقات میں جٹ گئی ہے۔