ایڈی یورپا ۔ ایشورپا کے درمیان اختلاف
میسورو،21؍اگست (ایس او نیوز) سٹی کارپوریشن انتخابات میں حصہ لے رہے امیدواروں کو بی جے پی ٹکٹ دلانے کے معاملے کو لے کر ایڈی یورپا اور ایشورپا کے درمیان اختلاف سامنے آئے ہیں۔
میسورواور چامراج نگر کی نگرانی کی ذمہ داری سنبھال رہے ایشورپا ایک ہفتہ قبل ہی میسور پہنچ کر پارٹی کی تنظیم میں لگے ہوئے ہیں اور پارٹی ٹکٹ کی تقسیم کے معاملے میں سابق وزیر اعلیٰ و بی جے پی کے ریاستی صدر بی ایس ایڈی یورپا کے حامیوں کو نظر انداز کرکے اپنے حامیوں کو بی فارم دئے جانے کا الزام لگاتے ہوئے ایڈی ریورپا کے حامیوں نے برہمی ظاہر کی ہے۔ اس معاملے کو لے کر میسور پہنچے ایڈی یورپا نے پارٹی لیڈروں کا اجلاس طلب کیا اور بات چیت کی۔
اس موقع پر اخباری نمائندوں سے بات کرتے ہوئے انہوں نے کہا کہ مقامی بلدی اداروں کے انتخابات میں وہ کسی بھی طرح کی مداخلت نہیں کریں گے۔ اروند لمباولی کی قیادت میں امیدواروں کے انتخاب کی کارروائی جاری ہے، کروبا سماج سمیت دیگر سبھی طبقات کو موقع فراہم کیا گیا ہے۔