پٹرول ۔ڈیزل کی قیمتوں میں اضافہ روکنے کیلئے اپوزیشن پارٹیاں سڑکوں پر اتریں: یشونت سنہا

Source: S.O. News Service | By Shahid Mukhtesar | Published on 5th September 2018, 12:32 PM | ملکی خبریں |

نئی دہلی5ستمبر (یوا ین آئی) پٹرول اور ڈیزل کی آسمان چھوتی قیمتوں کے سلسلے میں مودی حکومت پر حملے تیز ہو گئے ہیں۔

بھارتیہ جنتا پارٹی کی زیر قیادت سابقہ حکومت میں وزیر خزانہ رہنے والے مسٹر یشونت سنہا نے اپوزیشن پارٹیوں سے ایندھن کی قیمتوں میں اضافہ کے خلاف سڑکوں پر اترنے کی اپیل کی ہے ۔

مودی حکومت کی اقتصادی پالیسیوں کے لئے سابق مرکزی وزیر مسلسل حملے کر تے رہے ہیں۔

انہوں نے منگل کو ٹوئٹر پر لکھا کہ "پٹرول، ڈیزل اور رسوئی گیس کی قیمتوں میں مسلسل بڑھوتری ہو رہی ہے اور ایندھنوں کے دام روزانہ نئے ریکارڈ پر پہنچ رہے ہیں۔ اپوزیشن پارٹیاں سڑکوں پر کیوں نہیں اتر رہی ہیں؟ انہیں کس بات کا انتظار ہے ؟ خیال رہے کہ پٹرول اور ڈیزل کے دام مسلسل دسویں دن بڑھتے ہوئے نئے ریکارڈ پر پہنچ گئے ہیں۔

دہلی میں پٹرول کی قیمت80روپے کے قریب پہنچ گئی ہے تو ممبئی میں یہ 86 روپے فی لیٹر سے تجاوز کر گئی ہے ۔ اس سے قبل قومی جمہوری محاذ(این ڈی اے ) کے اتحادی جنتا دل یو نائٹیڈ کے سکریٹری جنرل کے سی تیاگی نے بھی ایندھن کی بڑھتی ہوئی قیمتوں پر فوری طور پر روک لگانے کے لئے وزیر اعظم سے مداخلت کرنے کا مطالبہ کیا ہے ۔

مسٹر کے سی تیاگی نے کہا ہے کہ محصولات میں کٹوتی کی جانی چاہئے اور اس طرح کا نظام بنایا جانا چاہئے جس سے مستقبل میں بھی قیمتوں کو بڑھنے سے روکا جاسکے ۔ انہوں نے کہا کہ یہ انتخابی سال ہے اور حکومت کو عوام کو راحت دینے کے لئے ٹھوس اقدامات کرنے چاہئیں تاکہ اپوزیشن پارٹیاں پٹرول ۔ڈیزل کی قیمتوں کو انتخابی ایشو نہ بنا پائیں۔

ایک نظر اس پر بھی

کاروار بوٹ حادثہ: زندہ بچنے والوں نے کیا حیرت انگیز انکشاف قریب سے گذرنے والی بوٹوں سے لوگ فوٹوز کھینچتے رہے، مدد نہیں کی؛ حادثے کی وجوہات پر ایک نظر

کاروار ساحل سمندر میں پانچ کیلو میٹر کی دوری پر واقع جزیرہ کورم گڑھ پر سالانہ ہندو مذہبی تہوار منانے کے لئے زائرین کو لے جانے والی ایک کشتی ڈوبنے کا جو حادثہ پیش آیا ہے اس کے تعلق سے کچھ حقائق اور کچھ متضاد باتیں سامنے آرہی ہیں۔ سب سے چونکا دینے والی بات یہ ہے کہ کشتی جب  اُلٹ ...

ای وی ایم تنازعہ: کپل سبل نے کہا 'ذاتی حیثیت سے گیا تھا لندن، کانگریس کا کوئی لینا دینا نہیں'۔

  کانگریس کے سینئر لیڈر کپل سبل نے بھارتیہ جنتاپارٹی (بی جے پی)کےلیڈر اوروزیرقانون روی شنکر پرساد کےان الزامات کو منگل کو پوری طرح سے بے بنیاد بتاکہ لندن میں الیکٹرانک ووٹنگ مشین (ای وی ایم )سے متعلق پریس کانفرنس کا اہتمام کانگریس نے کیاتھا اورواضح کیاکہ وہ اس میں ذاتی حیثیت ...

مدارس کو اگربند نہیں کیا گیا توآئی ایس آئی ایس حامی ہوجائیں گے مسلم بچے، وسیم رضوی نے وزیراعظم کو خط لکھ کرکیا مطالبہ

اپنے متنازعہ بیانات  کے سبب اکثرسرخیوں میں رہنے والے اترپردیش شیعہ وقف بورڈ کے چیئرمین وسیم رضوی نے وزیراعظم نریندرمودی کوخط لکھ کربنیادی سطح تک کے سبھی مدارس کوبند کرنے کا مشورہ دیا ہے۔

اپنے کسی بھی ممبر اسمبلی کو لوک سبھا انتخابات میں نہیں اتارے گی عام آدمی پارٹی

عام آدمی پارٹی آئندہ لوک سبھا انتخابات میں اپنے موجودہ  ممبراسمبلی اور وزرا کو ٹکٹ نہیں دے گی۔ عآپ کے سینئر لیڈر گوپال رائے نے منگل کو یہ جانکاری دی ہے۔ عام آدمی پارٹی کی دہلی یونٹ کے صدر رائے نے ساتھ ہی کہا کہ انتخابات کی اطلاع جاری ہونے سے کافی پہلےہی دہلی م پنجاب اور ہریانہ ...

الیکٹرانک ووٹنگ مشینوں پر چندرابابوکوشبہات

الکٹرانک ووٹنگ مشینوں (ای وی ایمس)کے استعمال پر تشویش کا اظہار کرتے ہوئے اے پی کے وزیراعلی و تلگودیشم پارٹی کے قومی صدر این چندرابابونائیڈو نے کہا کہ ان مشینوں میں الٹ پھیر کے کئی ثبوت پائے گئے ہیں