اپنی ہی حکومت کے خلاف یشونت سنہا کا دھرنا جاری، وزیراعلیٰ فڑنویس نے فون پربات کی

Source: S.O. News Service | By Shahid Mukhtesar | Published on 6th December 2017, 10:05 PM | ملکی خبریں |

اکولا، 06؍دسمبر (ایس او نیوز؍آئی این ایس انڈیا)بی جے پی کے سینئر لیڈر اور سابق مرکزی وزیر یشونت سنہا کا اپنی ہی پارٹی کے خلاف مظاہرہ جاری ہے۔یشونت سنہا نے مہاراشٹر کے ودربھ علاقے میں کسانوں کے مطالبے کی حمایت میں دھرنا کررہے ہیں۔سنہا کا کہنا تھا کہ جب تک مطالبے پورے نہیں ہوجاتے اس وقت تک ان کا مظاہرہ جاری رہے گاحالانکہ مہاراشٹر کے وزیر اعلی دیویندر فڑنویس نے ان سے فون پر بات کی۔کسانوں کے ایک مظاہرے کی قیادت کرنے کے دوران سنہا کو پیر کی شام کو پولیس نے حراست میں لے لیا تھا۔اس وقت وہ ودربھ کے کسانوں کے تئیں ریاستی حکومت کی ’بے حسی‘کے خلاف ضلع کلکٹر کے دفتر کے باہر مظاہرہ کر رہے تھے۔سابق مرکزی وزیر کا بی جے پی کے موجودہ قیادت سے تناؤ چل رہا ہے۔انہیں ضلع پولیس ہیڈکوارٹر منتقل کر دیا گیا اور بعد میں انہیں چھوڑ دیا گیا تھا۔ حالانکہ 80سالہ لیڈر نے وہاں سے جانے سے انکار کر دیا تھا اور پولیس میدان میں ہی دھرنے پر بیٹھ گئے تھے۔انہوں نے کہا تھا جب تک کسانوں کے تمام پورے نہیں کئے جاتے اس وقت تک وہ اپنی جگہ سے نہیں ہٹیں گے۔سنہا نے تب کہا تھا کہ حکومت کسانوں کے مسائل کے حل کے تئیں سنجیدہ نظر نہیں آتی ہے۔ایک اہلکار نے کہاکہ وزیر اعلی دیویندر فڑنویس اور یشونت سنہا نے بدھ کی صبح فون پر بات کی اور کسانوں کے مطالبات پر تبادلہ خیال کیا۔شیوسینا کے صدر ادھو ٹھاکرے نے ایک دن پہلے ہی سنہا سے فون پر بات کی تھی اور کسانوں کے مسائل پر بات چیت کی تھی۔

ایک نظر اس پر بھی

18بیرونی ممالک میں ملازمت کرنے والوں کویکم جنوری سے لازمی طور پر آن لائن رجسٹریشن کرنا ہوگا

بیرونی ممالک میں ملازمت کرنے والوں کے لئے مرکزی حکومت نے ایک نئی شرط لاگو کردی ہے جس کے مطابق یکم جنوری 2019 ؁ء سے امیگریشن چیک ناٹ ریکوائرڈECNRوالا پاسپورٹ رکھنے والے ملازمین کے لئے لازمی ہوگا کہ وہ اپنا آن لائن رجسٹر کروائیں۔

جموں وکشمیر میں نئی حکومت پاکستان کے کہنے پر بن رہی ہے: بی جے پی

جموں وکشمیر یونٹ کے سینئر لیڈر اور سابق ریاستی نائب وزیر اعلیٰ کویندر گپتا نے کہا کہ ریاست میں نئی حکومت پاکستان کے کہنے پر بن رہی ہے۔ انہوں نے کہا کہ حکومت سازی کی سرگرمیوں میں سرگرم سبھی لوگ پاکستان حمایت یافتہ ہیں۔ کویندر گپتا نے بدھ کے روز یہاں ترکوٹہ نگر میں واقع بی جے پی ...

نوٹ بندی کانگریس کی بدعنوانی ختم کرنے کی تیز دوا تھی،مودی

وزیراعظم نریندر مودی نے آج مدھیہ پردیش کے آدی واسی اکثریتی ضلع جھابوا میں کانگریس کو ہدف تنقید بناتے ہوئے کہا کہ جس طرح دیمک کو ختم کرنے کیلئے ’’زہریلی دوا‘‘ کی ضرورت پڑتی ہے،اسی طرح انہیں کانگریس کے دور میں پھیلی بدعنوانیوں کو ختم کرنے کیلئے’’ نوٹ بندی‘‘ جیسی تیز دوا کا ...