یلاپور میں شراب کے نشے میں شوہرکے ہاتھوں بیوی کا قتل

Source: S.O. News Service | By I.G. Bhatkali | Published on 12th August 2017, 3:33 AM | ساحلی خبریں | ان خبروں کو پڑھنا مت بھولئے |

یلاپور 11؍اگست (ایس او نیوز) یلاپور تعلقہ کے گُولّا پورمیں شراب کے نشے میں دھت شوہر کے ہاتھوں بیوی کے قتل کی واردات سامنے آئی ہے۔ بتایا جاتا ہے کہ شنکر اُنکل(۳۴سال) نامی شراب کے عادی شخص نے اپنی بیوی نِرملا (۲۶سال)کا گلا اسی کے ڈوپٹے سے بھینچ کر قتل کرڈالا ہے۔

موصولہ رپورٹ کے مطابق گلبرگہ کے رہنے والے شنکر اور نرملا ایک سال پہلے روزی روٹی کی تلاش میں گوُلا پور آکر بس گئے تھے۔میاں بیوی میں روزانہ جھگڑا اور ہنگامہ عام بات تھی۔ اس وجہ سے اس سے پہلے انہیں کرایے کے گھر سے خالی بھی کروایا گیا تھا۔ فی الحال یہ جوڑاجنتا کالونی میں واقع عثمان صاب نامی شخص کے مکان میں کرایے پر رہتاتھا۔ بتایا گیا ہے کہ حسب معمول آدھی رات کو شراب کے نشے میں بیوی سے جھگڑنے کے بعدشنکر نے بیوی کے ہی ڈوپٹے سے اس کا گلا بھینچ دیا اور بیوی کی ہلاکت سے بے خبر وہ کسی دوسرے شخص کے مکان پر چلا گیا۔ دوسرے دن جب آڑوس پڑوس والوں نے دیکھاتو نرملا گھر کے اندر بے ہوشی جیسی حالت میں پڑی ہوئی ملی۔ شنکر سے جب اس بار ے میں پوچھا گیا تو اس نے بتایا کہ نرملا نیند کی گولی کھاکر سو گئی ہے۔ پڑوسیوں کو شک ہونے پر انہوں نے اس بات کی اطلاع پولیس کودی ۔ پولیس نے موقع پر پہنچ کر جائزہ لیا اور شنکرکو پولیس اسٹیشن لے جاکراس سے پوچھ تاچھ کی گئی تو اس نے بیوی کے قتل کا اعتراف کرلیا ۔

بعد میں پولیس نے لاش کو پوسٹ مارٹم کے لئے یلاپور تعلقہ اسپتال میں بھیج دیااور شنکر کے خلاف قتل کا معاملہ درج کرکے تحقیقات شروع کردی ۔

ایک نظر اس پر بھی

بھٹکل:مٹھلی میں شراب دکان کے خلاف خواتین سمیت سیکڑوں دیہی عوام کا احتجاج: بند نہیں کیا گیا تو سخت احتجاج کی دھمکی

تعلقہ کے مٹھلی گرام پنچایت حدود کے ریلوے اسٹیشن کے قریب شروع کی گئی نئی شراب کی دکان بند کرنے کی مانگ لے کر دیہات کے سیکڑوں مرد وخواتین بدھ کی شام دکان کا گھیراؤ کرتے ہوئے احتجاج کیا۔

شرالی :فورلین کی تعمیر 30میٹر کے بجائے 45میٹر کی چوڑائی کے ساتھ تعمیر کرنےکا مطالبہ لے کر میمورنڈم

تعلقہ کے شرالی سے گزرنے والی قومی شاہراہ 66کو فورلین میں منتقل کئے جانے والے توسیعی تعمیری کام کو 45میٹر کی چوڑائی کے ساتھ ہی کئے جانے کا مطالبہ لے کر شرالی گرام پنچایت صدر وینکٹیش نائک کی قیادت میں گاؤں کے عوام نے بھٹکل اسسٹنٹ کمشنر کو میمورنڈم سونپا۔

بھٹکل: کے ایف ڈی سی کے ذریعے ماہی گیروں کے قرضے معاف :راجیندرنائک

ریاستی ماہی گیر ترقی بورڈ (کے ایف ڈی سی )گذشتہ 47سالوں کی تاریخ میں پہلی مرتبہ نفع بخش راہ پر گامزن ہے ، بورڈ سے قرضہ لے کر گذشتہ 10-15سالوں سے ادا نہ کرتے ہوئے قرضہ نادہندوں کا 6057937روپئے قرضہ مکمل طورپر معاف کرنے کا بورڈ کے صدر راجیندر نائک نے اعلان کیا۔

کاروار :آئندہ ودھان سبھا انتخابات میں ضلع کے کسی بھی حلقہ سے امیدوار : اننت کمار ہیگڈے

آئندہ ودھان سبھا انتخابات سےپہلے ریاستی کانگریس کے دگج لیڈر اور وزیر برائے بڑی صنعت آر وی دیش پانڈے بی جے پی میں شامل ہونگے اور میں ودھان سبھا انتخابات کے میدان میں اترنے والا ہوں۔ ان خیالات کا اظہار شمالی کینرا کے رکن پارلیمان اننت کمار ہیگڈے نے کیا۔

کمٹہ:پابندی کے باوجود بغیر کسی رکاوٹ کے غیر قانونی ریت سپلائی جاری:معاملے میں افسران بھی ملوث ہونے کا الزام

ریت سپلائی پر پابندی عائد ہونےکے باوجود افسران کی شمولیت کے ساتھ بغیر کسی رکاوٹ کے ریت سپلائی جاری رہنے کا پتہ چلاہے۔تعلقہ کے ہیگڈے اور ماسور نامی مقامات پر بے دریغ ریت سپلائی جاری ہے، 407سواریوں ، آٹو رکشاکے ذریعے غیر قانونی طورپر ریت سپلائی ہورہی ہے، پابندی کے باوجود کسی خوف ...

بھٹکل:مٹھلی میں شراب دکان کے خلاف خواتین سمیت سیکڑوں دیہی عوام کا احتجاج: بند نہیں کیا گیا تو سخت احتجاج کی دھمکی

تعلقہ کے مٹھلی گرام پنچایت حدود کے ریلوے اسٹیشن کے قریب شروع کی گئی نئی شراب کی دکان بند کرنے کی مانگ لے کر دیہات کے سیکڑوں مرد وخواتین بدھ کی شام دکان کا گھیراؤ کرتے ہوئے احتجاج کیا۔

بھٹکل میں نیشنل ہائی وے کی توسیع کو لے کر تنظیم اور دیگر اداروں کی مخالفت میں جئے کرناٹکا سنگھا کا میمورنڈم

بھٹکل شہر سے گزرنے والی قومی شاہراہ کی توسیع کا کام پہلے سے جس طرح طئے شدہ ہے اسی کے مطابق انجام دیاجائے ،رخ بدل کر بائی پاس کی تعمیر نہ کرنےکا مطالبہ لےکر بھٹکل جئے کرناٹکا سنگھ کے کارکنان نے منگل کی شام بھٹکل اسسٹنٹ کمشنر دفتر کے ذریعے اترکنڑا ضلع ڈی سی کو میمورنڈم سونپا۔ ...

گنگولی میں کچرا ٹھکانے لگانے کا مرکز قائم کرنے کے خلاف عوام کا احتجاج

کنداپور تعلقہ کے گنگولی کے قریب باوی کٹہ علاقہ کے پورٹ یارڈ میں پنچایت کی طرف سے کچروں کو ٹھکانے لگانے  کا مرکز قائم کئے جانے کی مخالفت میں مقامی عوام نے سخت احتجاج کیا اور پنچایت آفس کے سامنے ہی دھرنے پر بیٹھ گئے۔ احتجاجیوں کا مطالبہ تھا کہ وہ کسی بھی حال ہی میں متعلقہ جگہ پر ...

بھٹکل: مجلس ِ اصلاح وتنظیم کے زیر اہتمام طالبات کے لئے منعقدہ مضمون نویسی مقابلہ جات کے نتائج

مجلس اصلاح و تنظیم بھٹکل کے زیر اہتمام یوم ِ آزادی کی مناسبت سے ہائی اسکول ، کالج کی طالبات کے مابین اردو، کنڑا اور انگریزی زبانوں میں منعقد کئے گئے مضمون نویسی مقابلہ جات کےتنظیم کی تعلیمی و ثقافتی کمیٹی کی طر ف سے اعلان کیا گیا۔ جس کی تفصیل کچھ اس طرح ہے۔