یلاپور کی گرامین وکاس بینک ڈکیتی کی ناکام کوشش :سائرن کا کمال ، چور فرار
یلاپور:30/ نومبر (ایس اؤنیوز)تعلقہ کے امچگی میں واقع کرناٹکا وکاس گرامین بینک کی کھڑکی کی سلاخیں توڑ کرچوروں کی ٹیم بینک کےاندر گھس کر چوری کی کوشش ناکام ہونے کا واقعہ منگل کی دیر رات پیش آیاہے۔
نقاب پوش چوروں نے بینک کیشئیر چیمبر سے لگی کھڑکی کی تین سلاخیں توڑکرکے اندر داخل ہوئے ، چوروں نے شاطرانہ چال کا استعمال کرتے ہوئے سب سے پہلے بینک میں لگے ہوئے سی سی ٹی وی کیمروں پر گم ٹیپ لگایا ہے۔ اس کے بعد سیف لاکر کا دروازہ توڑنے کی کوشش کے دوران سائرن بجنے لگا۔ سائرن کی آواز بجتے ہی بینک کے پگمی کلکٹر بابو بھلوؤ اور مقامی عوام نے دوڑ کر بینک کی طرف آتے دیکھ کر چور وہاں سے فرار ہوگئے۔ موصولہ اطلاع کے مطابق یہ واقعہ رات 10بجے سے 30-12کے درمیان انجام دیاگیا ہے۔
چشم دید گواہوں کے مطابق بینک لوٹنے کی ناکا م کوشش میں 3نقاب پوش ملوث تھے۔ چوروں نے بینک کی 2الماریوں اور ڈرائیورس میں موجود کاغذات کو بکھرا کر پھینکا ہےلیکن بینک کی کوئی چیز چوری نہیں ہوئی ہے۔ صبح میں بینک پہنچی بینک مینجر سریکھا کوڈکنی نے پولس تھانے میں شکایت درج کی ہے۔ اس کے بعد پی ایس آئی لکپا نائک نے عملے کے ساتھ بینک کا معائنہ کرتےہوئے چوروں کی تلاش کے لئے جاسوسی کتوں کو لے کر جال بچھایا ہواہے۔