یلاپور:ماں کی محبت بھول کر سوتیلی ماں کی گود میں پناہ نہیں لینی ہے :بی جے پی میں شمولیت کو لے کر شیورام ہیبار کا صاف انکار
یلاپور:9/ اکتوبر (ایس اؤنیوز)ایک ماں کی پیار و محبت رکھنے والی کانگریس پارٹی کو چھوڑ کر میں سوتیلی ماں کی گود میں پناہ لینا مجھے کبھی گوارہ نہیں کرونگا۔ ان خیالات کا اظہار یلاپور کے رکن اسمبلی شیو رام ہیبار نے اپنے بی جےپی میں شامل ہونے کے متعلق چل رہی افواہوں کا انکار کرتےہوئے مندرجہ بالا بیان جاری کیا ہے۔
شیورام ہیبار نے کہاکہ کانگریس کے وزیراعلیٰ سدرامیا اور کابینہ کے دیگر وزراء کے ساتھ میرے بہترین تعلقات ہیں، میں اس دلی رابطے کو کبھی وداع کرنا نہیں چاہونگا۔ کانگریس حکومت کی طرف سے سب سے زیادہ امداد حاصل کرتے ہوئے یلاپور اور منڈگوڈ کی جنتی ترقی ہوئی ہے وہ پچھلے کبھی نہیں ہوئی تھی۔ میراحلقہ میری جیت کے لئے سیف زون ہے ، اگلی بار بھی کانگریس ہی اقتدار سنبھالنا یقینی ہونے کی بات کہی۔
اپنے ساتھی یلاپور کے پرمود ہیگڈے پارٹی سے زیادہ میری مخالفت کرتے ہوئے بی جے پی میں شامل ہوئے ہیں،امیدہے کہ اب وہ وہاں صحت مند ہونگے۔ اگر اب میں بی جے پی میں شامل ہورہاہوں کہیں گے تو یہاں بھی میرے سکون کر برباد کرنے آرہاہے سوچتے ہوئے بیزار ہوکر اپنی صحت خراب کرلے گا، وہ وہاں صحت مندرہے اور اس کی تمام تمنائیں پوری ہوں۔