یلاپور:15/اگست (ایس اؤنیوز)اترکنڑا ضلع کےتعلقہ یلاپور میں آٹو رکشا ڈرائیور، مالکان سنگھ کی طرف سے یوم ِآزادی کی تقریب منعقد کرتے ہوئے پرچم کشائی کی گئی ۔ اس موقع پر کرناٹکا یوا سینے کی خاتون ریاستی صدر چئیترا گوڈا نے 3ایماندارآٹو ڈرائیوروں کی تہنیت کی جو پچھلے 30سالوں سے مسلسل خدمات انجام دے رہے ہیں۔
بتایا گیاکہ آٹوڈرائیور تمام عورتوں کی عزت کرتے ہیں ، ایک بھائی ہونے کے ناطے ان کو انکے مقام تک بحفاظت پہنچاکر گاؤں کی عزت کو بھی تحفظ بخشتے ہیں۔ اور گاندھی جی کے خواب رام رجیا پر عمل کرتےہوئے عورتوں کا حد درجہ احترام کرتے ہوئے انہیں کسی بھی طرح کی ہراسانی میں مبتلا نہیں کرنے کی بات کہی۔ ایسے ہی 3آٹو ڈرائیوروں کی نشاندہی کرتے ہوئے ان کی یوم آزادی کے موقع پر تہنیت کی گئی ۔ سنگھ کے صدر سنتوش نایک نے ترنگالہرایا۔