بنگلورو17؍جنوری (ایس او نیوز) لجس لیٹیو کونسل کے رکن سی ایم ابراہیم نے کہا ہے کہ بی جے پی کے ریاستی صدر اور سابق وزیر اعلیٰ بی ایس ایڈی یورپا کا ’’بس اسٹانڈ لؤ ‘‘ ہے ۔ انہوں نے شادی شدہ افراد کو پھنسانے کی کوشش کی ہے جو کسی بھی صورت کامیاب نہیں ہوگی۔ چہارشنبہ کو یہاں کے کمار کروپا گیسٹ ہاوز میں میڈیا کے نمائندوں سے گفتگو کرتے ہوئے انہوں نے کہا کہ ہمیں کانگریس ۔ جے ڈی ایس کی مخلوط حکومت گرنے کا خدشہ نہیں ہے ۔ اس لئے کہ کانگریس ایک ڈسپلین کی پارٹی ہے۔ یہ اراکین اسمبلی کو وجود دینے والی پارٹی ہے ۔ انہوں نے کہا کہ ہمارے پاس عوام ہیں ۔ سابق وزیراعلیٰ سدارامیا کے پی سی سی صدر دنیش گنڈو راؤ، کانگریس کے نگران کار وینو گوپال کے بشمول کچھ لیڈروں نے اس تعلق سے واضح بیان دےئے ہیں ۔ انہوں نے طنز کیا کہ شادی کے گھر میں خمار آلود آنکھوں کے ساتھ چوری کرنے کی کوشش کی طرح بی جے پی جدوجہد کررہی ہے۔ انہوں نے کہا کہ مخلوط حکومت اچھا انتظامیہ دے رہی ہے ۔شادی شدہ وفادار وں کو ایڈی یورپا لالچ دلا رہے ہیں۔ یہ ایک طرح سے بس اسٹانڈ لؤ ہے ۔بس اسٹانڈ کے آوارہ ہی ان کے ساتھ جائیں گے۔انہوں نے کہا ریاست میں مخلوط حکومت قائم ہوئے 6ماہ گزر ے ہیں ۔ اس پر بھی بی جے پی کو درد ہورہا ہے ۔ اسلئے کہ راجستھان ،مدطیہ پردیش میں بی جے پی کی ہار ہوئی ہے ۔والوں کو اپنے اراکین اسمبلی پر ہی بھروسہ نہیں ہے۔