جیند،15اپریل(ایس او نیوز؍آئی این ایس انڈیا)ہریانہ کی خاتون پہلوان کویتا دلال اب 25 اپریل سے دبئی میں ہونے والی ڈبلیو ڈبلیو ای ورلڈ چیمپئن شپ میں حصہ لینے جا رہی ہیں۔کویتا دلال عرف ہارڈ کیڈی غیر ملکی پہلوانوں کو شکست دے کر پروفیشنل کشتی میں نئی تاریخ رقم کرنے کی تیاری کر رہی ہیں۔ دبئی میں ہونے والے اس عالمی چیمپئن شپ میں ان کا سامنا قریب 18 خواتین پہلوانوں سے ہوگا۔ 25 اپریل کو ان کوناک آؤٹ فائٹ میں اترنا ہے، جس کے لئے وہ جم کر ٹریننگ کر رہی ہے، وہ فی الحال پہلوان کھلی کی جالندھرمیں واقع اکیڈمی میں جم کر پسینہ بہا رہی ہیں۔کویتا کے لئے رنگ میں جانا بچپن کا خواب رہا ہے جوکہ اب مکمل ہونے جا رہا ہے۔ دبئی کی سرزمین پر خاتون کھلی ترگا پھیرانے کی تیاری کر رہی ہے، نہ صرف وہ دی گریٹ کھلی کو اپنا آئیڈیل مانتی ہیں، اب یہ دیکھنے والی بات ہوگی کہ کیا وہ کھلی جیسے شناخت بنا پاتی ہیں یا نہیں۔