بھٹکل میں آج عالمی یوم خون عطیہ؛ عوام میں بیداری پیداکرنے ادارہ جے سی آئی کی جانب سے بھٹکل سے مینگلور کے لئے نکلی بائک ریلی

Source: S.O. News Service | By I.G. Bhatkali | Published on 14th June 2018, 12:30 PM | ساحلی خبریں |

بھٹکل 14/جون (ایس او نیوز) ہندوستان  سمیت دنیا بھر میں خون عطیہ کرنے والوں کا عالمی دن آج منایا جا رہا ہے،  اس دن کے منانے کا مقصدناگہانی آفات اور حادثات کی شکل میں خون کی ضرورت اور مفت خون عطیہ کرنے والوں کی اہمیت کو اجاگر کرنا ہے۔

خون کے عطیات سے ہر سال لاکھوں انسانوں کو نئی زندگیاں ملتی ہیں۔ بعض خطرناک امراض میں مبتلا مریضوں اور پیچیدہ سرجری میں خون کے عطیات کی اشد ضرورت ہوتی ہے۔ اگر مریض کو بروقت خون نہ مل پائے تو موت واقع ہو جاتی ہے ایسے حالات میں کسی انسان کو خون کا عطیہ دینا اسے نئی زندگی دینے کے مترادف ہے۔

اس دن کی اہمیت کے حوالے سے مختلف شہروں میں ریلیاں اورسیمینار منعقد کئے جاتے ہیں ، جبکہ کئی علاقوں میں بلڈ   کیمپ بھی قائم کئے جاتے ہیں، مگر یہاں بھٹکل میں آج  خون کے عطیہ  کی اہمیت اور اس کی ضرورت کو عوام کے  سامنے اُجاگر کرنے جیسس کلب آف انڈیا (جے سی آئی)  کی جانب سے  بھٹکل سے مینگلور کے لئے  بائک ریلی کااہتمام کیا گیا جس کے ذریعے عوام کے اندر بیداری پیداکرنے کی کوشش کی گئی۔

اس موقع پر بھٹکل شمس الدین سرکل پر  جے سی آئی کے کارکنوں نے ورلڈڈونیشن ڈے کا  ایک بڑا بینر اویزاں کرتے ہوئے   خون  عطیہ کرنے کے تعلق سے معلومات فراہم کی اورلوگوں کو خون کا عطیہ کرنے کی ترغیب دی۔

جے سی آئی سکریٹری رمیش کھاروی نے افتتاحی کلمات پیش کرتے ہوئے استقبال کیا، جے سی آئی کے زونل صدرراکیش کنجور نے پروگرام کی غرض و غایت بیان کرتے ہوئے بائک ریلی کو جھنڈا لہرا کر روانہ کیا۔اس موقع پر جے سی آئی کے مقامی صدر جے سی عبدالجبارصاحب ، نائب صدر جے سی مسعود برماور، جے سی سُریش پجاری، جے سی موہن نائک، جے سی شنکر نائک، جے سی ایشور نائک، جے سی پرسنا، جے سی لکشمن پائی، روٹری کلب کے سابق صدر ایڈوکیٹ ایس یم خان، نذیر قاسمجی،جے سی آئی  کٹپادی  نائب صدر رگھویندرا کروال، جے سی سنیل بنگیرا و دیگر کافی لوگ موجود تھے۔

پروگرام کے تعلق سے جے سی عبدالجبار نے بتایا کہ  خون عطیہ  کے تعلق سے بیداری مہم پیداکرنے کے لئے بھٹکل سے نکلی بائک ریلی  شیرور، ناوندہ ، ہیماڈی، کنداپور، کوٹا، اُڈپی، برہماور، کٹپاڈی اور  سورتکل ہوتے ہوئے مینگلور میں لال باغ تک پہنچ کر اختتام کو پہنچے گی۔

ایک نظر اس پر بھی

اُترکنڑا سے چھٹی مرتبہ جیت درج کرنے والے اننت کمار ہیگڑے کی جیت کا فرق ریاست میں سب سے زیادہ؛ اسنوٹیکر کو سب سے زیادہ ووٹ بھٹکل میں حاصل ہوئے

پارلیمانی انتخابات میں شمالی کینرا کے بی جے پی امیدوار اننت کمار ہیگڈے نے پوری ریاست کرناٹک میں سب سے زیادہ ووٹوں سے کامیابی حاصل کی ہے۔ انہوں نے 479649 ووٹوں کی اکثریت سے کانگریس  جے ڈی ایس مشترکہ اُمیدور  آنند اسنوٹیکر  کو شکست دی ۔

ریاست میں کبھی ہار کا منھ نہ دیکھنے والے سیاسی لیڈروں کی ذلت بھری شکست

ریاست کرناٹکا میں انتخابی میدان میں کبھی ہار کا منھ نہ دیکھنے والے چند نامورسیاسی لیڈران جیسے ملیکا ارجن کھرگے، دیوے گوڈا، ویرپا موئیلی اورکے ایچ منی اَپا وغیرہ کو اس مرتبہ پارلیمانی انتخاب میں انتہائی ذلت آمیز شکست سے دوچار ہونا پڑا ہے۔ 

منگلورو:کلاس میں اسکارف پہننے پر سینٹ ایگنیس کالج نے طالبہ کو دیا ٹرانسفر سرٹفکیٹ۔طالبہ نے ظاہر کیاہائی کورٹ سے رجوع ہونے اور احتجاجی مظاہرے کاارادہ

کلاس روم میں اسکارف پہن کر حاضر رہنے کی پاداش میں منگلورومیں واقع سینٹ ایگنیس کالج نے پی یو سی سال دوم کی طالبہ فاطمہ فضیلا کو ٹرانسفر سرٹفکیٹ دیتے ہوئے کالج سے باہر کا راستہ دکھا دیا ہے۔

بھٹکل میں رمضان باکڑہ کی نیلامی؛ 40 باکڑوں کے لئے میونسپالٹی کو 1126 درخواستیں

رمضان کے آخری عشرہ کے لئے بھٹکل  میں لگنے والے رمضان باکڑہ کی آج میونسپالٹی کی جانب سے  نیلامی کی گئی۔ بتایا گیاہے کہ 40 باکڑوں کی نیلامی کے لئے  میونسپالٹی کے جملہ 1126 درخواست فارمس فروخت ہوئے تھے۔