ہندوستانی خاتون ہاکی ٹیم ارجینٹینا سے ہارگئی

Source: S.O. News Service | Published on 17th July 2017, 8:56 PM | اسپورٹس |

جوہانس برگ، 17/جولائی (ایس او نیوز/آئی این ایس انڈیا)ہندوستانی خاتون ہاکی ٹیم کو خواتین ورلڈ ہاکی لیگ سیمی فائنل میں آخری گروپ میچ میں دنیا کی تیسرے نمبر کی ٹیم ارجنٹائن نے 0.3سے شکست دی۔ارجینٹینا کے لیے روشیو سانچیس(دوسرے منٹ) ماریا گراناٹو(14ویں)اور نول بریونیوو(25ویں منٹ)نے گول کئے،وہیں ہندوستانی ٹیم ایک بھی گول نہیں کر سکی۔ارجینٹینا نے دوسرے ہی منٹ میں روشیو کے گول کی مدد سے سبقت بنا لی تھی،ہندوستانی گول کیپر سویتا نے آغاز سے ہی کئی گول بچائے،اس نے پہلا شاٹ بچایا لیکن روشیو نے دوسرے شاٹ پر گول کر دیا۔ہندوستانی ٹیم برابری کا گول کرنے کے قریب پہنچی،جب نمیتا ٹوپو کے پاس پر وندنا کٹاریا نے اٹیک کیا، لیکن مخالف گول کیپر نے اسے کامیاب نہیں ہونے دیا،سویتا نے پہلے 15منٹ میں چار گول بچائے۔ارجینٹینا نے پہلا پنالٹی کارنر چھٹے منٹ میں حاصل کیا لیکن ہندوستان نے اس پر گول نہیں ہونے دیا۔ماریا گراناٹو نے 14ویں منٹ میں گول کرکے ارجنٹینا کو 2.0سے سبقت دلادی۔ہندوستان کو 23ویں منٹ میں پنالٹی کارنر ملا،لیکن رانی کے شاٹ کو مخالف گول کیپر نے بچا لیا۔ارجینٹینا کو 25ویں منٹ میں پنالٹی اسٹروک ملا،جسے نوئل نے گول میں تبدیل کردیا۔ارجینٹینا کو 34ویں منٹ میں لگاتار پنالٹی کارنر ملے،لیکن ہندوستانی گول کیپر رجنی ای نے اسے بچا لیا،ہاف ٹائم کے بعد سویتا کی جگہ رجنی نے گول کیپنگ کا ذمہ سنبھالا تھا۔آخری کوارٹر میں ہندوستانی ڈفینیڈروں نے ارجینٹینا کو کوئی گول نہیں کرنے دیا۔

ایک نظر اس پر بھی

وارنر آسٹریلیا ،انگلینڈ ون ڈے سیریز میں کمنٹری کریں گے

ایک برس کی پابندی کا شکار آسٹریلوی کرکٹر ڈیوڈ وارنر آسٹریلیا اور انگلینڈ کی ٹیموں کے درمیان ہونے والی ون ڈے سیریز میں کمنٹری کریں گے۔ڈیوڈ وارنر سمیت اسٹیو اسمتھ اور کیمرون بین کرافٹ بال ٹیمپرنگ ایشو میں پابندی کا سامنا کر رہے ہیں۔

شکیب الحسن نے انٹرنیشنل کرکٹ میں سنگ میل عبور کر لیا

بنگلہ دیش کے اسٹار کرکٹر شکیب الحسن نے اپنے انٹرنیشنل کرکٹ کیریئر میں 500 وکٹیں مکمل کرلیں، شکیب الحسن ٹیسٹ، ون ڈے اور ٹی ٹوئنٹی تینوں فارمیٹس میں 10ہزار سے زائد رنز اور 500 یا زائد وکٹیں لینے والے دنیا کے تیسرے آل راونڈر بن گئے۔

مصر کے شائقین کو زخمی صلاح سے کافی امیدیں

مصر کے سپر اسٹار فٹ بالر محمد صلاح نے ورلڈ کپ کی فائنل ٹریننگ میں بھرپور شرکت کی، وہ پر امید ہیں کہ میگا ایونٹ کے پہلے میچ میں یوروگوائے کے خلاف ایکشن میں ہوں گے ۔