میگھالیہ میں خواتین ووٹروں کی تعداد زائد
شیلانگ،10؍جنوری (ایس او نیوز؍آئی این ایس انڈیا)میگھالیہ میں ووٹر لسٹ میں رجسٹرڈ ووٹروں کی صورت میں خواتین نے مردوں کو پیچھے چھوڑ دیا ہے۔ریاست میں 50. 4 فیصدخواتین ووٹر ہیں۔چیف الیکشن آفیسر (سی ای او) ایف آر کھارکونگر نے بتایا کہ کل شائع ہوئی ووٹر لسٹ میں18,30,104ووٹروں کے نام ہیں جن میں سے 9,23,848خواتین ہیں۔انہوں نے بتایا کہ میگھالیہ کے مختلف حصوں سے دعووں اور اعتراضات پر غور کرنے کے بعد آخری فہرست جاری کی گئی ہے۔ ریاست میں اس سال کے پہلے ششماہی میں اسمبلی انتخابات ہونا ہے۔سی ای او نے بتایا کہ موجودہ اسمبلی کی مدت چھ مارچ کو ختم ہو رہی ہے اور الیکشن کمیشن انتخابات کی تاریخ کا اعلان کرنے سے پہلے آخری تیاریاں کر رہا ہے۔کھارکونگر نے بتایا کہ ووٹر لسٹ میں کل 8,276نام ہٹائے گئے اور6,645درخواستیں مسترد کر دی گئیں۔ریاستی حکومت کے سرکاری ریکارڈ کے مطابق32لاکھ کی آبادی والے میگھالیہ میں خواندگی کی شرح 74.4 فیصد ہے۔