خواتین کو رات کی شفٹ میں کام کرنے کی اجازت نہ دی جائے، تحفظ خواتین کویقینی بنانے ایوان کمیٹی کی سفارش: این اے حارث

Source: S.O. News Service | By Jafar Sadique Nooruddin | Published on 28th March 2017, 7:39 PM | ریاستی خبریں |

بنگلورو:28/مارچ(ایس او نیوز) خواتین کی حفاظت کو یقینی بنانے کیلئے ریاستی لیجسلیچر کی ایک کمیٹی نے حکومت سے سفارش کی ہے کہ آئی ٹی بی ٹی کمپنیوں میں خواتین کو رات کی شفٹ میں کام کرنے کی اجازت نہ دی جائے۔ آئی ٹی بی ٹی کمپنیوں میں خواتین کو صرف دن کی ذمہ داریوں پر متعین کرنے کی ہدایت دینے آج لیجسلیچر کمیٹی برائے بہبودی ئ خواتین واطفال نے سفارش کی۔کمیٹی کے چیرمین این اے حارث کی طرف سے ایوان میں پیش کی گئی سفارشات میں کہاگیا ہے کہ خواتین، اطفال، معذورین، ذہنی معذورین، معمر افراد وغیرہ کی فلاح کیلئے کمیٹی نے کئی نکات کا جائزہ لے کر اپنی رپورٹ پیش کی ہے۔ کمیٹی نے شہر بھر میں خواتین پر بڑھتے ہوئے حملوں کے واقعات کے بعد بائیو کان اور انفوسس کیمپس کا معائنہ کیا۔ یہاں متعدد خواتین نے انہیں درپیش مشکلات کمیٹی کے سامنے رکھیں، جس کے بعد کمیٹی نے سفارش کرنے کا فیصلہ کیا کہ آئی ٹی بی ٹی کمپنیوں میں خواتین کو رات میں کام کرنے کی اجازت نہ دی جائے اور صرف مردوں کو ان شفٹوں میں کام کرنے کا موقع دیا جائے۔ این اے حارث نے بتایا کہ کمیٹی نے خواتین پر حملوں اور مظالم کے متعدد معاملات کا جائزہ لیا۔ کئی جنسی ہراسانیوں کے معاملوں میں پولیس نے ملزمین کو گرفتار ہی نہیں کیا، جبکہ ان پر برسوں گزر رہے ہیں۔ ایسے ملزمین کو گرفتار کرنے کیلئے کمیٹی نے قوانین میں سخت ترمیم لانے کی سفارش کی ہے۔گارمنٹ کمپنیوں میں برسر روزگار خواتین کو دی جانے والی سہولیات کو کمیٹی نے ناکافی قرار دیتے ہوئے کہا کہ ان کارخانوں کے مالکان پر یہ لازم کیا جائے کہ خواتین کو دی جانے والی سہولیات بلاناغہ دی جائیں۔انہیں ٹرانسپورٹ اور میڈیکل سہولیا ت مہیا کرائی جائیں۔کمیٹی نے اسکولوں اور کالجوں میں بچیوں کو لانے اور لے جانے والی گاڑیوں میں سی سی ٹی وی کیمرہ لازمی قرار دیاہے، اور کہا کہ بہت سارے اسکولوں میں سی سی ٹی وی کیمرے موجود نہیں ہیں، اس کیلئے بھی سخت ہدایات محکمہئ تعلیمات کی طرف سے جاری کی جانی چاہئے۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔