کاسرگوڈ: بیرون ملک منشیات اسمگلنگ ریکیٹ میں شامل21سالہ خاتون 8کروڑ مالیت کی چرس کے ساتھ گرفتار

Source: S.O. News Service | By I.G. Bhatkali | Published on 9th October 2018, 9:21 PM | ساحلی خبریں | ان خبروں کو پڑھنا مت بھولئے |

مینگلور 9؍اکتوبر(ایس او نیوز) پڑوسی علاقہ  کاسرگوڈ (کیرالہ ) میں ایکسائز انٹلی جنس بیورو کی ٹیم نے خفیہ اطلاعات کی بنیاد پر چلائی گئی ایک مہم کے دوران پالکاڈ میں ایک 21سالہ خاتون کو گرفتار کرلیا اور اس کے قبضے سے 2کلو گرام وزنی چرس(حشیش) برآمد کی ،  جس کی مالیت بین الاقوامی بازار کے مطابق 8کروڑ روپے بتائی جاتی ہے۔

ذرائع سے ملی اطلاع کے مطابق گرفتار خاتون کی شناخت  21 سالہ  سندھوجا کی حیثیت سے کی گئی ہے جو کہ اولکوڈے کنیا کماری کی رہنے والی ہے۔ پولیس کے بیان کے مطابق مذکورہ خاتون کو پالکاڈ ریلوے اسٹیشن پر روک کر تلاشی لی گئی تو اس کی وینیٹی بیگ میں پلاسٹک میں لپیٹ کر رکھی گئی دوگلوگرام وزنی حشیش برآمد ہوئی۔ ملزمہ سے تفتیش کرنے پر اس نے بتایا کہ یہ حشیش آندھرا پردیش کے وشاکھاپٹنم سے کیرالہ کے تھریسورمیں موجود محمد جابر تک پہنچانے کی ذمہ داری اس کو سونپی گئی تھی۔ وہاں سے محمد جابر اس حشیش کو عمان مسقط اسمگل کروانے کا بندوبست کیا کرتا ہے۔

سندھوجانے پولیس کو بتایا کہ اس طرح وشاکھا پٹنم سے تھریسور تک منشیات پہنچانے کے لئے ایک ٹرپ پر ایک لاکھ روپے معاوضہ ملتا ہے۔ اور اس سے قبل اس نے 17مرتبہ چرس پہنچانے کا کام پورا کیا ہے۔سمجھا جاتا ہے کہ سندھوجا کی گرفتاری سے بیرون ملک منشیات اسمگلنگ کرنے والے ایک بڑے گروہ کا پردہ فاش ہوجائے گااور مزیدگرفتاریاں عمل میں آئیں گی۔

ایک نظر اس پر بھی

شرالی قومی شاہراہ توسیع کا دھرنا تیسرے دن بھی جاری :  ضلع انتظامیہ کو  شاہراہ  تعمیر کا اختیار   نہیں : ایڈیشنل ڈی سی

شرالی میں گرام پنچایت کی قیادت میں 45میٹر کی توسیع والی شاہراہ تعمیر  کو لے کر  جاری دھرنے کے تیسرے دن کی دوپہر اترکنڑا ضلع ایڈیشنل ڈی سی ڈاکٹر سریش ہٹنال احتجاجیوں سے ملاقات کرتے  نیشنل ہائی وے اتھارٹی آف انڈیا کے حکم کے بنا ضلع انتظامیہ کچھ کرنا ممکن نہیں ہونے کی وضاحت کی۔ ...

بھٹکل انجمن ڈگری کالج کے زیر اہتمام 19فروری سے سہ روزہ یونیورسٹی سطح کا بیڈمنٹن ٹورنامنٹ انعقاد

کرناٹکا یونیورسٹی دھارواڑسے ملحق   کالجوں کے درمیان  مردوں اور خواتین کا زونل لیول سہ روزہ بیڈمنٹن ٹورنامنٹ 19فروری سے انجمن ڈگری کالج اینڈ پی جی سنٹر بھٹکل کے زیر سرپرستی انعقاد کئے جانےکی اطلاع کالج پرنسپال مشتاق شیخ نے دی۔

پلوامہ میں فوجیوں پر حملہ کے بعد اترکنڑا ضلع آٹویونین نے کیا ایک ہفتہ تک آٹو پر سیاہ پٹی باندھ کرشہید فوجیوں کوشردھانجلی دینے کا فیصلہ

جموں کشمیر کےپلوامہ میں سکیورٹی فورس پر ہوئے دہشت گرد حملے کی کڑی مذمت کرتے ہوئے ضلع کے آٹورکشاپر  اگلے ایک ہفتہ تک سیاہ پٹی باندھ کر شہید فوجیوں کو شردھانجلی دینے کا اترکنڑا ضلع آٹو رکشا یونین کے نائب صدر کرشنا نائک آسارکیری نے جانکاری دی۔

بھٹکل میں مجلس اصلاح وتنظیم کی جانب سے پلوامہ دہشت گردانہ حملہ کی کڑی مذمت: تحصیلدار کی معرفت وزیراعظم کو میمورنڈم ؛کڑی کارروائی کا مطالبہ

کشمیر کے پلوامہ میں دہشت گردانہ حملے کی کڑی مذمت کرتے ہوئے مجلس اصلاح وتنظیم بھٹکل نے تحصیلدار کی معرفت وزیر اعظم نریندر مودی کو اپیل سونپتے ہوئے دہشت گردی کا کرار ا جواب دینے کا مطالبہ کیا۔

بھٹکل: شرالی میں ہائی وے کی توسیع کے دوران ہنگامہ؛ پولس کی لی گئی مدد؛ عوامی مخالفت نظرانداز؛ 30میٹرکی ہی توسیع کے ساتھ کام شروع

شرالی میں قومی شاہراہ کی تعمیر 45میٹر کی توسیع کے ساتھ ہی کی جائے ، کسی حال میں بھی توسیع کو 30میٹر تک کم کرنے نہیں دیں گے۔  مقامی  عوام کی سخت مخالفت کے باوجود ضلع انتطامیہ بدھ کو 30 میٹر کی توسیع کے ساتھ شاہراہ تعمیری کام کی شروعات کی۔