لاء اینڈآرڈرکے نام پریوگی سرکارکی تصویر: مظفرنگر میں ثمینہ کا گولی مار کر قتل
مظفرنگر / اتر پردیش ، 9؍ دسمبر (ایس او نیوز؍آئی این ایس انڈیا)لاء اینڈآرڈرپرلمبے لمبے دعوے کرکے اقتدارمیں آئی یوگی سرکارکس قدرمفلوج ہے اورجرائم پسندوں کے حوصلے کس قدربلندہیں،اس کااندازہ آئے دن ریاست بھرمیں ہورہے واقعات سے ہوسکتاہے۔اس سے جہاں دعووں کی بھی پول کھلتی ہے وہیں گجرات میں بی جے پی کے وعدوں پربھی کتنابھروسہ کیاجاسکتاہے ،کہنامشکل ہے ،الیکشن میں اکھلیش سرکارپرجم کربی جے پی حملہ آورہوئی تھی اورلاء اینڈرآرڈرپرہنگامے کیے جارہے تھے لیکن اب اس کی سرکارمیں یہ عام سی بات ہوگئی ہے۔ مظفرنگرکے شاملی ضلع واقع اکبر پور گاؤں میں نامعلوم حملہ آوروں نے 25 سالہ ایک خاتون کا اس کے گھر میں گولی مار کر قتل کر دیا۔پولیس نے آج اطلاع دی کہ یہ واقعہ گزشتہ رات پیش آیا تھا ۔ سرکل آفیسر راجیش تیواری نے بتایا کہ واقعہ کے وقت ثمینہ اپنے گھر میں اکیلی تھیں۔موٹر سائیکل پر سوار چار افراد ان کے گھر پہنچے اور ان پر گولی چلا کر وہاں سے فرار ہو گئے۔انہوں نے بتایا کہ ثمینہ کی موقع پر ہی موت ہو گئی۔سی او نے بتایا کہ لاش کو پوسٹ مارٹم کے لئے بھیج دیا گیا ہے۔ انہوں نے بتایا کہ معاملے میں جانچ جاری ہے۔