جموں،12/اگست(ایس او نیوز/آئی این ایس انڈیا)پاکستانی فوج کی طرف سے جموں کشمیر کے پونچھ ضلع میں کنٹرول لائن (ایل او سی) کے پاس سرحدی دیہات اورہندوستانی چوکی کو نشانہ بنا کر آج کی گئی فائرنگ میں 40 سالہ ایک خاتون کی موت ہو گئی۔ حکام نے یہ معلومات دی۔دفاعی ترجمان نے بتایا کہ پاکستانی فوج نے بغیراشتعال کے ایل او سی کے قریب پونچھ سیکٹر میں صبح تقریبا سوا پانچ بجے چھوٹے اور خود کار ہتھیاروں سے اندھا دھند فائرنگ کی اور مارٹر کے گولے داغے۔سر حد ی چوکیوں پر تعینات ہندوستانی فوج کے جوانوں نے اس کا پختہ اور مؤثر طریقے سے جواب دیا۔انہوں نے بتایا کہ چھ بج کر 64 بجے دونوں جانب سے فائرنگ تھم گئی۔پولیس کے ایک افسر نے بتایا کہ صبح تقریباََپانچ بجکر 20 منٹ پر سرحد پار سے داغے گئے مارٹر گولے گوکلاد یلران گاؤں میں رہنے والے محمد شبیر کے گھر کے قریب گرے، جس دھماکے ہونے سے شبیر کی بیوی رقیہ بیگم کی موت ہو گئی۔آٹھ اگست کو پونچھ ضلع کے کرشناگھاٹی سیکٹر میں پاکستانی فوج کی جانب سے کی گئی فائرنگ اور گولہ باری میں سپاہی پون سنگھ سگرا (21) شہید ہو گئے تھے۔اس سال یکم اگست تک پاکستانی فوج کی طرف سے جنگ بندی کی خلاف ورزی کے 285 واقعات ہوئے ہیں۔ سال 2016 میں یہ اعداد و شمار 228 سے کافی کم تھا۔