ٹیم کی ضروریات کے مطابق اتریں گے روہت
ممبئی ،17اپریل(ایس او نیوز؍آئی این ایس انڈیا)ممبئی انڈینس کے کپتان روہت شرما نے کہا ہے کہ وہ کسی بھی میچ میں اننگز کا آغاز کر سکتے ہیں ۔یہ مکمل طورپر ٹیم کی ضروریات کی بنیاد پر کیا جائے گا۔ روہت اس آئی پی ایل سیشن میں اب تک چوتھے نمبر پر بلے بازی کے لیے آئے ہیں۔ ممبئی کی گجرات لائنس پر 6وکٹ سے جیت میں روہت نے ناٹ آؤٹ 40 رن بنائے۔ انہوں نے بعد میں کہا کہ مجھے اننگز کا آغاز کرنا ہی پسند ہے لیکن اپنی ٹیم کے حساب سے کچھ چیزوں پر غور کرنا ہوتا ہے تو آپ کو توازن بنانے کی ضرورت پڑتی ہے، میرے چوتھے یا تیسرے نمبر پر بلے بازی کرنے سے ٹیم کو کامل توازن ملتا ہے۔انہوں نے کہا کہ گزشتہ سال ہمیں لگا کہ کوئی ایسا بلے باز ہونا چاہئے جس میں آخر تک بلے بازی کرے، ایسا نہیں ہو رہا تھا اور ہم میچ کا صحیح اختتام نہیں کر پا رہے تھے، میں ٹیم کی ضرورت کے مطابق ہر کردار ادا کرنے کے لیے تیار ہوں۔