منڈگوڈ:17؍نومبر (ایس او نیوز) جنگلی ہاتھیوں نے کھیت پر دھاوابولتے ہوئے کھیت کی فصل کو برباد کئے جانے کا واقعہ تعلقہ کے کرولی دیہات  میں پیش آیا ہے۔

کھیت مالک ننگپا ٹاکپا بھدراپور کے کھیت سروے نمبر 26پر تیار کھڑی دھان کی فصل کو ہاتھیوں نے کچل کر برباد کردیا ہے۔ بتایاگیا ہےکہ قریب ایک ایکڑ زمین کی فصل کو نقصان پہنچا ہے۔ کسان ننگپا نے اپنے کھیت کی بربادی پر دکھڑا سناتےہوئے کہاکہ قرض وغیرہ لے کر بہت محنت کے ساتھ کھیت میں دھان کی فصل بالکل تیار کھڑی کی تھی ایسے میں جب ہاتھ کا نوالہ منہ کو نہ آئے تو کتنی تکلیف ہوتی ہے سوچ لیجئے۔ فاریسٹ آفیسر سریش کلولی نے جائے وقوع کا دورہ کرتے ہوئے معائنہ کیا ہے۔