مظاہرے ایرانی نظام کے ناکام ہونے کی علامت ہیں: ٹرمپ اور ماکروں

Source: S.O. News Service | By Shahid Mukhtesar | Published on 8th January 2018, 4:28 PM | عالمی خبریں |

واشنگٹن ،8؍جنوری (ایس او نیوز؍ آئی این ایس انڈیا )وائٹ ہاؤس نے پیر کے روز ایک اعلان میں بتایا ہے کہ امریکی صدر ڈونلڈ ٹرمپ نے اپنے فرانسیسی ہم منصب عمانویل ماکروں کے ساتھ ٹیلیفون پر بات چیت کی ہے۔ اس دوران ٹرمپ نے ماکروں کو جزیرہ نما کوریا کی تازہ ترین صورت حال سے آگاہ کیا۔ دونوں صدور کے درمیان ایران میں جاری مظاہرے بھی زیر بحث آئے۔وائٹ ہاؤس کے مطابق بات چیت میں یہ بھی باور کرایا گیا کہ امریکا، جنوبی کوریا اور عالمی برادری شمالی کوریا کو مکمل طور پر غیر مسلّح کرنے کے حوالے سے پْرعزم ہے۔وائٹ ہاؤس کی جانب سے جاری بیان میں بتایا گیا ہے کہ دونوں صدور کا اس امر پر اتفاق رائے ہوا کہ ایران میں وسیع پیمانے پر جاری مظاہرے اس بات کی علامت ہیں کہ ایرانی نظام اپنے عوام کی ضروریات پوری کرنے میں ناکام ہو چکا ہے۔ یہ نظام ملکی دولت کو دہشت گردی کے لیے فنڈنگ اور بیرون ملک مسلح جماعتوں کی سپورٹ کے لیے استعمال کر رہا ہے ۔ایران میں جمعرات 28 دسمبر سے وسیع پیمانے پر احتجاجی مظاہروں کا سلسلہ جاری ہے۔ یہ احتجاج ملک کی اقتصادی حالت کے خلاف شروع ہوا تھا تاہم جلد ہی مظاہرین کی جانب سے سیاسی مطالبات سامنے آ گئے۔ اس دوران آمریت مردہ باد کے نعرے بھی بلند ہوئے جو ایرانی مرشد اعلیٰ علی خامنہ ای کی جانب اشارہ ہے۔

ایک نظر اس پر بھی

انیس عامری ایک ’دہشت گرد سیل‘ کا حصہ تھا: جرمن میڈیا

برلن میں دو برس قبل ایک کرسمس مارکیٹ پر ٹرک کے ذریعے حملہ کرنے والا انیس عامری’تنہا بھیڑیا‘ نہیں تھا بلکہ ممکنہ طور پر اس کا تعلق ایک سلفی سیل سے تھا، جس نے اسے اس حملے میں مدد دی تھی۔جرمن میڈیا پر ہفتے کے روز سامنے آنے والی رپورٹوں کے مطابق برلن کرسمس مارکیٹ حملے کے فقط دو ...

فرانسیسی شہروں میں زرد جیکٹوں والے مظاہرین کا احتجاج

فرانس کے مختلف شہروں میں زرد جیکٹوں والے حکومت مخالف مظاہرین مسلسل پانچویں ویک اینڈ پر احتجاج کے لیے جمع ہیں۔ صدر ایمانوئل ماکروں کی حکومت کے خلاف مظاہروں کا یہ سلسلہ ایندھن کی قیمتوں میں اضافے پر شروع ہوا تھا۔ فرانسیسی دارالحکومت پیرس میں مظاہرین کی پرتشدد کارروائیوں کو ...

سری لنکا کے برخاست وزیراعظم پر پارلیمان کا اعتماد

رواں برس اکتوبر میں برخاست کیے جانے والے سری لنکن وزیراعظم رانیل وکرمے سنگھے نے پارلیمنٹ میں اعتماد کا ووٹ حاصل کر لیا ہے۔ آج بدھ کو ہونے والی رائے شماری میں 225 رکنی ایوان میں وکرمے سنگھے کی حمایت میں 117 اراکین نے ووٹ ڈالا

امریکی فوج نے شمالی شام میں مبصر چوکیاں قائم کر دیں

امریکی وزارت دفاع نے اعلان کیا ہے کہ اْس کی افواج نے شمالی شام میں مبصر چوکیاں قائم کر دیں ہیں۔ اس اعلان میں ان چوکیوں کی تعداد اور مقامات کی وضاحت نہیں کی گئی ہے۔ اسی علاقے میں شامی کردوں کی ملیشیا وائی پی جی ایک بڑے علاقے پر قابض ہے

برطانوی وزیر اعظم کو درپیش قیادت کا چیلنج: کیوں اور کیسے؟

برطانوی پارلیمان کے ارکان نے قدامت پسند وزیر اعظم ٹریزا مے کے خلاف عدم اعتماد کی تحریک پیش کر دی ہے، جس پر رائے شماری آج بدھ بارہ دسمبر کو ہو رہی ہے۔ سوال یہ ہے کہ یہ تحریک پیش کیے جانے کے بعد اب ہو گا کیا ۔برطانوی وزیر اعظم ٹریزا مے نے اسی ہفتے پیر کا دن یورپ کے مختلف ممالک کے ...