برطانیہ میں پارلیمانی انتخابات کے اعلان کا دبئی کو فائدہ کیوں؟

Source: S.O. News Service | Published on 20th April 2017, 7:52 PM | عالمی خبریں |

لندن،20اپریل(ایس او نیوز/آئی این ایس انڈیا)متحدہ عرب امارات کے شہر دبئی کو عالمی سیاحتی اور تجارتی مرکز کی حیثیت حاصل ہے۔ دنیا بھرمیں ہونے والے فیصلوں کے براہ راست نتائج اس کی تجارت اور سیاحت پرمرتب ہوتے ہیں۔ دو روز قبل برطانوی وزیراعظم تھریسا مے نے 8 جون کو پارلیمانی انتخابات کرانے کا اعلان کیا تو اس اعلان سے زیادہ مستفید ہونے والوں میں ایک دبئی بھی شامل ہے۔برطانیہ میں انتخابات کے اعلان سے دبئی کو سیاحتی فائدہ پہنچے گا کیونکہ اس اعلان نے برطانوی پاؤنڈ کے ایکسچینج ریٹ کی شرح میں اضافہ کیا ہے جس کے نتیجے میں برطانوی سیاحوں کی دبئی امد جو کہ عرصے سے متاثر تھی میں اضافہ متوقع ہے۔
اعدادو شمار کے مطابق ہرسال 12 لاکھ برطانوی سیاح متحدہ عرب امارات کا دورہ کرتے ہیں مگر گذشتہ تیس سال سے آسٹریلوی پاؤنڈ کی قیمت ڈالر کے مقابلے میں کم ترین سطح پرآنے کے نتیجے میں برطانوی شہریوں کی دبئی آمد متاثر ہوئی ہے۔ برطانیہ کے یورپی یونین سے اخراج کے اعلان کے بعد برطانوی پاؤنڈ کی قیمت مزید کم ہوئی تھی جس کے نتیجے میں برطانوی سیاحوں کی دبئی آمد مزید کم ہوگئی تھی۔حال ہی میں جب وزیراعظم تھریسا مے نے قبل از وقت پارلیمانی انتخابات کرانے کا اعلان کیا تو اس اعلان نے اسٹاک مارکیٹ پر مثبت اثرات مرتب کیے۔ اس کے نتیجے میں برطانوی پاؤنڈ بہ تدریج مستحکم ہونے لگا ہے۔ تھریسا مے کے اعلان کے بعد صرف چند منٹوں میں برطانوی پاؤنڈ کی قیمت میں 1.5 فی صد اضافہ ہوا ہے۔
قبل ازیں یہ قیاس کیا جا رہا تھا کہ برطانیہ کے یورپی یونین سے نکلنے کے بعد برطانوی پاؤنڈ کی قیمت مستحکم ہونے میں مدد ملے گی مگر ایسا نہیں ہوسکا۔معاشی تجزیہ نگار اور ’شرودزر‘ فاؤنڈیشن کے چیئرمین بورڈ آف ڈائریکٹر رامی صیدانی نے العربیہ ڈاٹ نیٹ سے بات کرتے ہوئے کہا کہ اگر برطانوی پاؤنڈ کی قیمت میں مسلسل اضافہ ہوتا ہے تو اس کے نتیجے میں برطانی سیاحوں کی دبئی آمد میں بھی اضافہ ہوگا۔ برطانوی پاؤنڈ کی قیمت میں اضافہ برطانوی شہریوں کو بیرون ملک سفر کی ایک نئی سہولت مہیا کرے گا جو کئی ماضی تعطل کا شکار رہی ہے۔انہوں نے کہا کہ جب سے برطانوی پاؤنڈ کی قیمت کم ہوئی ہے برطانوی شہریوں کے دبئی کے سفر کے اخراجات بڑھ گئے تھے۔
 

ایک نظر اس پر بھی

ہاتھ نہ ملانے کے جرم میں مسلم خواتین کو شہریت دینے سے انکار 

فرانس میں ایک مسلم خاتون کو ہاتھ نہ ملانے پر ملک کی شہریت دینے سے انکار کر دیا گیا۔ الجزائر سے تعلق رکھنے والی ایک مسلمان خاتون نے فرانسیسی شہریت ملنے کی تقریب کے دوران عہدیدار سے ہاتھ ملانے سے انکار کر دیا تھا۔

یمنی سکیورٹی فورسز کی کارروائی میں القاعدہ کے دو خطرناک لیڈر ہلاک

یمن کے جنوبی صوبے ابین میں سرکاری سکیورٹی فورسز کی ایک چھاپا مار کارروائی میں القاعدہ کے دو خطرناک لیڈر ہلاک ہو گئے ہیں۔سکیورٹی ذرائع کے مطابق ان دونوں مہلوک لیڈروں کے نام مراد الدوبلی اور حسن ابو سری ہیں اور یہ دونوں انتہائی مطلوب دہشت گرد تھے۔

ٹرمپ کے مشیر اور روسی سفیر کے درمیان پہلی ملاقات

وہائٹ ہاؤس نے جمعرات کے روز ایک اعلان میں بتایا ہے کہ امریکی قومی سلامتی کے مشیر جون بولٹن نے واشنگٹن میں روسی سفیر اناطولی انتونوف سے ملاقات کی ہے۔ اعلی سطح کے دونوں عہدے داران کے درمیان یہ اپنی نوعیت کی پہلی ملاقات ہے۔

ٹرمپ کے ساتھ تعلق: امریکہ کی خاتون اداکارہ نے جاری کردی دھمکی دینے والے شخص کی تصویر

امریکا میں فحش فلموں کی خاتون اداکارہ اسٹورمی ڈینئلز نے ایک شخص کا تصویری خاکہ جاری کیا ہے اور دعوی کیا ہے کہ یہ وہ شخص ہے جس نے لاس ویگاس میں اسٹورمی کو دھمکی دی تھی کہ وہ امریکی صدر ڈونلڈ ٹرمپ کے ساتھ اپنے تعلقات کے حوالے سے خاموشی اختیار کرے۔