بی بی ایم پی میں اقتدار کیلئے کانگریس جے ڈی ایس اتفاق، سمپت راج کو میئر کا عہدہ متوقع

Source: S.O. News Service | By Shahid Mukhtesar | Published on 13th September 2017, 12:04 AM | ریاستی خبریں |

بنگلورو، 12؍ستمبر (ایس او نیوز؍عبدالحلیم منصور) برہت بنگلورمہانگر پالیکے میں کانگریس اور جنتادل (ایس) کے درمیان اتحاد برقراررکھنے کے سلسلے میں آج وزیر داخلہ رام لنگا ریڈی کی کوشش اور اس سلسلے میں سابق وزیراعظم ایچ ڈی دیوے گوڈا سے ان کی بات چیت کامیاب نظر آرہی ہے۔ بتایاجاتا ہے کہ آج رام لنگا ریڈی نے سابق وزیراعظم کو اس بات کیلئے منالیا ہے کہ وہ بی بی ایم پی میں کانگریس کا ساتھ دینا برقرار رکھیں، بات چیت کے دوران جو فارمولہ طے ہوا ہے اس کے مطابق ریزرویشن کے تحت رواں سال میئر کا عہدہ درج فہرست ذات سے وابستہ کارپوریٹر کو دیاجائے گا اور امکان ہے کہ یہ عہدہ دیور جیون ہلی کے کارپوریٹر سمپت راج حاصل کریں گے، جبکہ ان سے متصل وارڈ کاول بائر سندرا کی کارپوریٹر جنتادل (ایس) کی نیترا لکشمی نارائن جو فی الوقت بی بی ایم پی کی اکاؤنٹس کمیٹی کی چیر پرسن ہیں ڈپٹی میئر بن سکتی ہیں۔ اس کے علاوہ میئر کے عہدہ کیلئے ایک اور اہم دعویدار سبھاش نگر کے کارپوریٹر گووند راج بھی ہیں۔ بتایا جاتاہے کہ وزیر اعلیٰ سدرامیا نے برہت بنگلور مہانگر پالیکے میں کانگریس جے ڈی ایس اتحاد کو بچانے کی ذمہ داری بنگلور کے دو وزراء کو سونپی ان میں کچھ دنوں پہلے وزیر شہری ترقیات وحج جناب روشن بیگ نے دیوے گوڈا سے ملاقات کرکے گذارش کی کہ بی بی ایم پی میں کانگریس ، جے ڈی ایس اتحاد برقرار رکھاجائے۔ اسی وقت سابق وزیراعظم نے اس بات پر رضامندی ظاہر کردی تھی، مگر اس شرط پر کہ بی بی ایم پی کے امور میں وزیر برائے ترقیات بنگلور کے جے جارج زیادہ مداخلت نہیں کریں گے۔ اسی سلسلے کو آگے بڑھاتے ہوئے آج رام لنگا ریڈی نے سابق وزیر اعظم سے بات چیت کو آگے بڑھایا اور انہیں اس بات کیلئے منالیا کہ بنگلور میں کانگریس جے ڈی ایس اتحاد برقرار رہے۔ بتایاجاتاہے کہ انہوں نے اس سلسلے میں سابق وزیراعظم ایچ ڈی کمار سوامی سے بھی بات چیت کی ہے اور انہوں نے بھی جے ڈی ایس کی طرف سے کانگریس کی حمایت برقراررکھنے کا یقین دلایا۔ وزیر اعلیٰ سدرامیا کی ہدایت پر آج رام لنگا ریڈی نے کے پی سی سی کے خازن کرشنم راجو کے ہمراہ جے ڈی ایس قائدین سے ملاقات کی، اس دوران کانگریس اور جے ڈی ایس اتحاد کی پہل کو کامیاب ہوتے دیکھ کر بی جے پی نے بی بی ایم پی کے اقتدار پر اپنی دعویداری کمزور کردی ہے، آج سابق وزیرآر اشوک نے یہ بیان دیاہے کہ بی جے پی کو بی بی ایم پی میں اقتدار حاصل کرنے میں کوئی دلچسپی نہیں ہے۔اخباری نمائندوں سے بات چیت کرتے ہوئے انہوں نے کہاکہ جنتادل (ایس) کے ساتھ بی جے پی کسی بھی حال میں مفاہمت کیلئے آمادہ نہیں ہے۔کانگریس اور جے ڈی ایس نے بنگلو رمیں جمہوریت کا گلا گھونٹ کر اقتدار پر قبضہ کیا ہے۔ اس کا انتقام اگلے بی بی ایم پی انتخابات میں شہر کے عوام ضرور لیں گے۔ انہوں نے کہا کہ پچھلی دو میعادوں میں کانگریس اور جے ڈی ایس اتحاد نے بڑے پیمانے پر کرپشن کیا ہے، شہر بھر میں موسلادھار بارش کی وجہ سے سینکڑوں محلوں میں پانی گھس گیا ، اس سے نمٹنے کی بجائے کانگریس اور جنتادل (ایس) اقتدار کی سودے بازیوں میں لگے ہوئے ہیں۔وزیر برائے ترقیات بنگلور کے جے جارج کہتے ہیں کہ بارش کے پانی کی نکاسی کیلئے گندگی کی صفائی اور دیگر کاموں پر ہزاروں کروڑ روپیوں کی رقم صرف کی جاچکی ہے۔ اگر ایسا ہے تو پھر شہر میں بارش کا پانی باہر کی طرف کیوں نہیں بہہ رہا ہے؟ ہزاروں کروڑ کی رقم جو صرف کی گئی ہے اس کا حساب دیا جائے۔ 

ایک نظر اس پر بھی

گلبرگہ میں پچاس لاکھ روپئے لاگت کے شادی محل کی جگہ پرتعمیر ہوا صرف ایک ڈھانچہ ؛آر ٹی آئی کارکن نے اُٹھایا معاملہ

  کرناٹکا انفارمیشن کمیشن بنگلور کی ہدایت پر معروف آر ٹی آئی کارکن اور  اے پی سی آر کے ریاستی کوآرڈی نیٹر شیخ شفیع احمد نے تعلقہ آفسر اسماعیل صاب کے ساتھ  جب ایک شادی محل کا جائزہ لینے پہنچے تو اُنہیں حیرت کا ایک جھٹکا لگا کیونکہ وہاں کوئی محل موجود نہیں تھا بلکہ  ایک ...

بیلگام کے ایک اسکول میں مڈ ڈے میل کھانے سے 60 بچے بیمار؛ اسپتال میں والدین نے کیا ٹیچروں کا گھیرائو

ضلع بیلگام کے رام دُرگ تعلقہ کے  لکنائکن کوپّا کے ایک پرائمری اسکول میں دوپہر کا کھانا کھانے کے بعد اسکول کے 60 بچے بیمار پڑ گئے جنہیں فوری طور پر قریبی اسپتال لے جایا گیا ہے۔  واردات بدھ کی دوپہر کو پیش آئی ہے۔ 

اُڈپی میں مویشیوں کے بیوپاری حُسین ابّا کے قتل کے معاملے میں گرفتار تین ملزموں کو ملی ضمانت؛ آٹھ کی ضمانت نامنظور

مویشیوں کے بیوپاری حُسین ابا کے قتل کے معاملے میں گرفتار دو لوگوں  پولس ہیڈ کونسٹیبل  موہن کوتوال اور بجرنگ دل لیڈر پرساد کونڈاڈی کی ضمانت عرضی کو    اُڈپی سیشن کورٹ نے  منظور کرلیا ہے اسی طرح ایک اورفرار شدہ بجرنگ دل کارکن  توکارام  کی  پیشگی ضمانت بھی منطور کرلی ہے۔

گوری لنکیش کی طرح دیگر ادیبوں کے قتل کی سازش کا انکشاف 4روشن خیال مفکروں کو سکیورٹی فراہمی زیر غور

ریاستی حکومت روشن خیال مفکرین کو سیکورٹی فراہم کرنے پر سنجیدگی سے غور کر رہی ہے۔ ہندو مخالف نظریات کے حامل دانشوروں کی ہٹ لسٹ تیا ر کرتے ہوئے موت کی نیند سلائے جانے کی سازش کا انکشاف ہونے کے بعد روشن خیال مفکرین میں شامل گنان پیٹھ ایوارڈ یافتہ گریش کرناڈ، معروف قلمکاراور ...

پی یو سی سالِ دوم سائنس طلباء کے لیے مفت کوچنگ

ڈسٹرکٹ کوآرڈینیٹر اے سی سی پی ایل آرگنائزیشن بیدر کے پریس نوٹ کے بموجب بیدر ضلع کے مسلم طلباء جو پی یو سی سالِ دوم سائنس طلباء کو جولائی 2018ء تا جنوری2019تک اے سی سی پی ایل کی جانب سے مفت کوچنگ دی جائے گی۔