ہم بے قصور تھے، مگر وہ ہماری زبان سمجھنے سے قاصر تھے، ایرانی حراست سے رہا ہونے کے بعد ماہی گیروں کا بھٹکل میں والہانہ استقبال

Source: S.O. News Service | By I.G. Bhatkali | Published on 21st January 2019, 11:44 PM | ساحلی خبریں | ریاستی خبریں |

بھٹکل21؍جنوری (ایس او نیوز) دبئی سمندر میں ماہی گیر ی کے دوران ایرانی پولیس کی تحویل میں رہنے کے بعد واپس لوٹنے والے کمٹہ اور بھٹکل کے ماہی گیروں کا کہنا ہے کہ ان کے لئے سب سے بڑا مسئلہ زبان کا تھا۔ ایرانی افسران ان کی زبان سمجھ نہیں پا رہے تھے ۔ اور ایرانی سمندری سرحد پار نہ کرنے کا یقین دلانے کے باوجود وہ لوگ مان نہیں رہے تھے۔

کمٹہ تعلقہ کے ونّلّی کے رہنے والے اجمل شمالی اور دیگر چھ ماہی گیر نوجوان ایرانی قید سے رہائی کے بعد دبئی ہوتے ہوئے  جمعہ کے دن اپنے وطن واپس لوٹے  تھے، جبکہ آج پیر کو بھٹکل تعلقہ کے سات ماہی گیر خیر و عافیت کے ساتھ بھٹکل پہنچے، جس میں پانچ کا تعلق جامعہ آباد سے اور دو کا تعلق مرڈیشور سے ہے۔

ساحل آن لائن سے گفتگو کرتے ہوئے رہا ہوکر بھٹکل پہنچنے والے  ماہی گیروں  نے بتایا کہ دبئی سے تعلق رکھنے والے شخص کی ملکیت والی ماہی گیر کشتی پر ہم لوگ سمندر میں مچھلیوں کے شکار پر نکلے تھے۔ لیکن ایرانی پولیس کے ہاتھوں گرفتاری کے بعد جیل اور کشتی میں قید رہتے ہوئے ہمیں قریب چھ  مہینے تک اس جرم کی سزا بھگتنی پڑی جو ہم نے کیا ہی نہیں تھا۔کیونکہ دبئی سے نکلنے کے بعد ہم سمندر میں ایرانی سرحد سے 3 ناٹیکل میل دوری پر ماہی گیری کررہے تھے۔لیکن سرحد پار کرنے کا جھوٹا الزام لگا کر ہمیں پکڑ لیا گیا۔ ہماری کشتی کو قبضے میں لیتے ہوئے ہمارے سر پر پستول تان دی گئی۔وہ انتہائی خوفناک لمحے تھے۔ بعد میں ہمیں ایران کے کِش جزیرے پر  قید میں رکھا گیا۔ ‘‘

انہوں نے مزید بتایا کہ گھروالوں کو بھی فوری طور پر ہم اس واقعے کی اطلاع دینے کے قابل نہیں تھے کیونکہ ہمارے موبائل فون چھین لیے گئے تھے۔ لیکن دو ایک افراد نے کسی طرح اپنے موبائل فون چھپا کر رکھ لیے تھے اس لئے بعد میں ہم نے چوری چھپے اس کا استعمال کرتے ہوئے ہماری گرفتاری کی اطلاع گھر والوں کو دی۔

ایک اور ماہی گیر نے بتایا کہ ہم لوگ رات کے وقت  سمندر میں ماہی گیری کے لئے نکلے تھے، لیکن صبح طلوع ہونے سے پہلے ہمیں گرفتار کرلیا گیاتھا۔جیل میں کھانے پینے کے لئے ہمیں کافی دقت کا سامنا کرناپڑا۔ فی الحال قید سے رہائی کے بعد گھرواپس پہنچنے والے تمام ماہی گیروں کے اہل خانہ نے  راحت اور اطمینان کی سانس لی ہے۔

بھٹکل میں پرتپاک استقبال:  جمعہ کو چھ ماہی گیروں پر مشتمل ایک گروپ بھٹکل پہنچا تھا جس میں چھ کا تعلق کمٹہ اور ایک کا تعلق بھٹکل سے تھا،  ان کا بھٹکل شمس الدین سرکل پر  بھٹکل کے عوام نے پرتپاک استقبال کیا تھا اور پھولوں کی مالائیں پہناتے ہوئے اُنہیں مٹھائیاں  پیش کی تھی، اسی طرح آج پیر کو  بھی جیسے ہی  سات ماہی گیروں پر مشتمل دوسرا قافلہ دبئی سے مینگلور ائرپورٹ ہوتے ہوئے بھٹکل پہنچا۔ جامعہ آباد میں مرکزی جماعت المسلمین تینگنگونڈی کی جانب سے  پرتپاک استقبال کیا گیا۔ اس موقع پر قومی سماجی ادارہ مجلس اصلاح و تنظیم بھٹکل کے نائب صدر عنایت اللہ شاہ بندری سمیت دیگر ذمہ داران بھی موجود تھے۔  آج دبئی سے بھٹکل پہنچنے والوں کے نام اس طرح ہیں:  عثمان بومبیکر، شریف باپو صاحب، عتیق گھارو، نعیم بھنڈی، ابراہیم مُلا، جعفر تڈلیکر اور عبداللہ ڈانگی۔

اس سے قبل جو چھ ماہی گیر  واپس   آئے تھے، اُن کے نام اس طرح ہیں: کمٹہ سے تعلق رکھنے والے  یعقوب شمالی، اجمل شمالی، عنایت شمالی، الیاس امباڈی، قاسم اگرکون اور بھٹکل کے خلیل پانی بُڈو۔

یاد رہے کہ دبئی سے ماہی گیری کےدوران ضلع اُترکنڑا کے 18 ماہی گیروں کو ایران سرحد کوعبور کرنے کا الزام عائد کرتے ہوئے  ایران نیوی نے گرفتار کرلیا  تھا، قریب چھ ماہ بعد یعنی 8/جنوری کو ان کی رہائی عمل میں آئی تھی، اگلے روز یعنی 9 جنوری کو سبھی ماہی گیر دبئی پہنچنے میں کامیاب ہوگئے تھے۔

ایک نظر اس پر بھی

اتر کنڑا میں انتخابی ضابطہ اخلاق کا نفاذ - چیک پوسٹوں پر تیز ہوئی جانچ پڑتال؛ بورڈس اور ہورڈنگس ہٹائے گئے

لوک سبھا انتخابات کے لئے ضابطہ اخلاق کے نفاذ کے ساتھ ہی اتر کنڑا کے مختلف مقامات پر چیک پوسٹس پر جانچ پڑتال کی کارروائیاں تیز ہوگئی ہیں ۔  اسی کے ساتھ ہی  سڑک کنارے لگائے گئے اشتہاری بینرس اور ہورڈنگس وغیرہ بھی ہٹائے گئے ہیں۔

ڈانڈیلی اغوا معاملہ : 2 کروڑ روپے تاوان طلب کرنے والے ملزمین گرفتار ؛ گرفتار شدگان میں بھٹکل کا شخص بھی شامل

ڈانڈیلی کے ایک شخص کا اغوا کرکے اس کی رہائی کے لئے 2  کروڑ روپے طلب کرنے والے ملزمین کو  ڈانڈیلی پولیس نے گرفتار کر لیا ہے  جن  کی شناخت ڈانڈیلی کے رہنے والے پرشو رام ایلپّا میدار، کالگونڈا تکا رام سر نائک، ہلیال کے رہنے والے ونائیک کمپنّا کرننگ اور  بھٹکل مدینہ کالونی کے رہنے ...

دکشن کنڑا میں انتخابی ضابطہ اخلاق کے تحت قائم ہوئے چیک پوسٹس - نقدی اور بیش قیمت اشیاء لے جانے کے لئے ضروری ہوگا دستاویزی ثبوت 

دکشن کنڑا میں انتخابی ضابطہ اخلاق کے نفاذ کے ساتھ محکمہ پولیس نے حفاظتی بندوبست تیز کر دیا ہے اور عوام سے کہا ہے کہ اگر وہ اپنے ساتھ  نقد رقم یا قیمتی اشیاء لے جاتے ہیں تو انہیں اس سے متعلقہ باضابطہ دستاویزی ثبوت اپنے پاس رکھنا ہوگا اور جانچ کے دوران افسران کے سامنے پیش کرنا ...

بھٹکل میں7/مئی اورپڑوسی اضلاع اُڈپی اور مینگلور میں 26/ اپریل کو ہوگی پولنگ؛ پورے ملک میں سخت انتخابی ضابطہ اخلاق نافذ

الیکشن کمشنر کے اعلان کے مطابق ریاست کرناٹک میں دو مرحلوں میں انتخابات ہوں گے، جس کے تحت بھٹکل سمیت اُترکنڑا،  چکوڈی، بیلگاوی، باگلکوٹ، وجئے پور (ایس سی)، کلبرگی (ایس سی)، رائچور (ایس ٹی)، بیدر، کوپّل، بلاری (ایس ٹی)، ہاویری ، دھارواڑ، داونگیرے اور شموگہ میں 7/مئی کو انتخابات ...

اُترکنڑا میں 7 مئی کو ہوگی ووٹنگ، ضابطہ اخلاق فوری طور پر نافذ: کاروار میں ڈپٹی کمشنر گنگو بائی مانکر کی پریس کانفرنس

الیکشن کمیشن کی ہدایت کے مطابق، اترا کنڑا لوک سبھا حلقہ میں 7 مئی کو پولنگ ہوگی، البتہ  ضلع میں فوری طور پر سخت ضابطہ اخلاق نافذ کردیا گیا ہے، اس بات کی اطلاع  ضلع کی  ڈپٹی کمشنر اور ڈسٹرکٹ الیکشن آفسر  گنگوبائی مانکر نے دی۔

بھٹکل: انجمن پی یو اینڈ ڈگری کالج میں کبڈی، والی بال، ٹینس وغیرہ کھیلوں کے لئے اسپورٹس کورٹ کا سنگ بنیاد

انجمن پی  یو اینڈ ڈگری کالج میں  ملٹی پرپس اسپورٹس کورٹ  کا سنیچر کوانجمن کے نو منتخب صدر جناب محمد یونس قاضیا کے ہاتھوں  سنگ بنیاد رکھا گیا، جس کے بعد خطاب کرتے ہوئے موصوف نے بتایا کہ کالج کے بچوں کے لئے  ملٹی پرپس اسپورٹس کورٹ کی ضرورت  محسوس کی جارہی تھی ، آج یہاں   اس کا ...

  لوک سبھا انتخابات : کرناٹک میں انتخابی ضابطہ اخلاق نافذ؛ پلیکس اور بینرز ہٹانے کا عمل شروع

  لوک سبھا انتخابات کی تاریخ کے اعلان کے ساتھ ہی ماڈل کوڈ آف کنڈکٹ کے نافذ ہونے کے بعد شہر میں پلیکس اور بینروں کو صاف کردیا گیا۔ ڈسٹرکٹ الیکشن آفیسر کی ہدایت پر الیکشن اور میونسپل عملہ نے شہر میں مشترکہ آپریشن کرتے ہوئے ہر قسم کے پلیکس اور بینرز کو ہٹا دیا۔ ڈسٹرکٹ کمشنر آفس، ...

بنگلورو کا آبی بحران: تالابوں کو نگلتا کنکریٹ کا جنگل!

دیوالی کے بعد کی بارشوں میں کئی فٹ پانی میں ڈوبا ہوا شہر گرمیوں کے شروع ہوتے ہی پانی کی ایک ایک بوند کو ترس رہا ہے۔ اگر چہ یہ بہانہ کیا جائے کہ بارش مسلسل دو سال سے کم ہو رہی ہے اور ریاست کی 256 تحصیلوں میں خشک سالی کا اعلان کیا جا چکا ہے لیکن حقیقت یہ ہے کہ بنگلورو جیسے پانی سے بھرے ...

کرناٹک میں 26 اپریل اور 7 مئی کو 2 مرحلوں میں ہوگی پولنگ

کرنا ٹک  میں 2 مرحلوں میں 26 اپریل اور 7 مئی کو پارلیمانی انتخابات ہوں گے، الیکشن کمیشن آف  انڈیا ( ای سی آئی) نے ہفتہ کو آئندہ لوک سبھا انتخابات کے شیڈول کا اعلان کیا ہے۔ کرنا  ٹک میں 28 سیٹوں کے لیے دووٹنگ  دو مرحلوں میں 26 اپریل اور 7 مئی کو ہونے والی ہے۔

کانگریس صدر ملکارجن کھرگے نے کسانوں، نوجوانوں اور خواتین کے لیے کانگریس کی 15 گارنٹیوں کو بتایا انتہائی اہم

لوک سبھا انتخاب 2024 کا اعلان ہو چکا ہے اور سبھی پارٹیوں کی سرگرمیاں اب مزید بڑھنے والی ہیں۔ حالانکہ پہلے سے ہی سبھی سیاسی پارٹیاں انتخابی مہم میں زور و شور سے مصروف ہیں۔  لوک سبھا انتخاب کا شیڈول جاری ہونے سے قبل کانگریس صدر ملکارجن کھرگے نے بنگلورو میں ایک پریس کانفرنس کیا جس ...

ایشورپا کے بیٹے کو نہیں ملی بی جے پی کی ٹکٹ؛ بغاوت کا اعلان؛ آزاد اُمیدوار کی حیثیت سے لڑیں گے شیموگہ حلقے سے الیکشن

اپنے  بیٹے کو بی جے پی کی ٹکٹ نہ دینے اور  یڈی یورپا کے بیتے کو شموگہ کی ٹکٹ دینے پر ناراض  بی جے پی کے سینئر لیڈر اور سابق نائب وزیر اعلیٰ ایشورپّا نے اعلان کیا ہے کہ وہ آزاد اُمیدوار کے طور پر شموگہ حلقے سے الیکشن لڑیں گے  اور  سابق وزیر اعلیٰ ایڈی یورپّا ا کے فرزند بی وائی ...

کرناٹک: پی یو سی امتحان میں طلبہ کو 'گریس مارکس' نہیں ملیں گے ۔ ایگزامنیشن بورڈ کی وضاحت

پی یو سی بورڈ کے امتحان میں فیزکس کے پیپر میں طلبہ کو گریس مارکس دینے کا جو سرکیولر وائرل ہوا ہے اس کے تعلق سے پی یو سی بورڈ نے وضاحت کی ہے کہ یہ ایک جعلی سرکیولر ہے اور ایسا کوئی فیصلہ بورڈ نے نہیں کیا ہے ۔