کہا ں ہے بلٹ ٹرین ؟،پندرہ برسوں میں بھی گجرات میں میٹروتک نہیں لاسکے مودی:اکھلیش یادو 

Source: S.O. News Service | By Safwan Motiya | Published on 28th February 2017, 10:38 AM | ملکی خبریں |

دیوریا، 27؍فروری(ایس اونیوز/آئی این ایس انڈیا )اتر پردیش کے وزیراعلیٰ اکھلیش یادونے آج بلٹ ٹرین کے ذریعے وزیر اعظم نریندر مودی پر نشانہ سادھتے ہوئے کہا کہ تین سال کا عرصہ گزرنے کے بعدبھی یہ اعلان زمینی سطح پر نہیں اترسکا ہے، ایسے میں مرکزکوجلدی کرنی چاہیے، کیوں کہ اگلی بار اسے موقع نہیں ملے گا۔اکھلیشی یادو نے یہاں ایس پی امیدواروں کی حمایت میں منعقد جلسہ عام میں مودی حکومت کے بلٹ ٹرین منصوبے پرطنزکسے ہوئے کہا کہ ہم تو میٹرو چلا رہے ہیں،آپ کی بلٹ ٹرین کہاں ہے؟اب توآپ کی حکومت کوبنے تین سال ہو گئے،وہ ٹرین کہاں گئی؟۔اگلی بار توآپ کوموقع نہیں ملے گا، اس لیے جلدی کیجئے ۔انہوں نے مودی پر نشانہ سادھتے ہوئے کہاکہ آپ تو3 بار گجرات کے وزیراعلیٰ رہے،وہاں میٹرو نہیں بنوا پائے،ہم نے توتین جگہ میٹروبنوائی ہے۔وزیراعلیٰ نے کہاکہ بی جے پی کے لوگ کوئی کام زمینی سطح پر نہیں اتار پائے، پھربھی الزام لگارہے ہیں اور کہہ رہے ہیں کہ ہم رمضان میں زیادہ اور دیوالی میں کم بجلی دیتے ہیں۔اکھلیش نے کہا کہ وزیر اعظم نے اتر پردیش میں امتحانات میں بہت زیادہ نقل ہونے کا الزام لگایا ہے، میں نے کہتاہوں کہ ابھی کہیں امتحان ہو رہا ہو، تو بتائیں، بی جے پی کی حکومت میں ہی پیپرآؤٹ کرنے والے گرفتارکئے گئے ہیں۔انہوں نے کہا کہ مودی بتائیں کہ جب امریکہ کے صدر براک اوباماہندوستان آئے تھے۔تب آپ نے کس کی نقل کرکے سوٹ بنوایا تھا، ہم جانتے ہیں کہ دنیا کے کسی دوسرے حصے میں کوئی بڑاآدمی تھا،اس نے اپنے سوٹ پر باریک حروف میں نام لکھواکر ڈیزائننگ بنوایا تھا، وہی کام مودی نے کیا۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...