سپریم کورٹ میں روہنگیائی مسلمانوں کی عرضی ،کہاہم دہشت گرد نہیں ہیں، غریب مسلمان ہیں

Source: S.O. News Service | By Shahid Mukhtesar | Published on 13th September 2017, 9:32 PM | ملکی خبریں |

نئی دہلی،13؍ستمبر(ایس او نیوز؍آئی این ایس انڈیا)روہنگیا مسلم پناہ گزینوں کوہندوستان سے باہر نکالے جانے کے سرکارکے قدم کے درمیان کمیونٹی نے سپریم کورٹ کادروازہ کھٹکھٹایا ہے۔کمیونٹی نے عدالت میں ایک درخواست دائر کرکے کہا ہے کہ ان کا دہشت گردی اورکسی بھی دہشت گردانہ تنظیم کے ساتھ کوئی لینادینا نہیں ہے۔اپنی درخواست میں روہنگیا کمیونٹی نے یہ بھی کہا کہ وہ صرف مسلمان ہونے کی وجہ سے نشانہ بنائے جا رہے ہیں۔جموں میں رہنے والے 7000روہنگیا پناہ گزینوں نے دعوی کیا ہے کہ ہمارا دہشت گردی میں کوئی واسطہ نہیں ہے،یہاں تک کہ جب سے ہم جموں میں رہ رہے ہیں، ہمارے خلاف ایساکوئی بھی الزام نہیں لگا،ہمارے درمیان میں سے کوئی بھی شخص دہشت گردانہ سرگرمیوں میں ملوث نہیں پایا گیا تھا۔

درخواست میں یہ بھی کہا گیا ہے کہ مقامی پولیس نے ایک سال پہلے روہنگیا مسلمانوں کے خاندان کی مکمل تحقیقات کی تھی۔یہ بھی کہا گیا تھا کہ پولیس نے ہر خاندان کی مکمل معلومات جمع کی تھی،ہر ماہ پولیس یہاں تحقیقات کرتی ہے،تمام روہنگیائی مسلم پناہ گزین پولیس کامکمل تعاون کرتے ہین اور انہیں تمام ضروری معلومات دیتے ہیں،ہمارے درمیان ایک بھی دہشت گرد نہیں ہے۔روہنگیاپناہ گزینوں نے ااپنی درخواست میں مرکزی حکومت کے قدم کو مساوات کے حق کی خلاف ورزی بتایاہے۔انہوں نے کہا کہ ہم غریب ہیں اور مسلمان ہیں، اس لئے ان کے ساتھ ایسا کیا جا رہا ہے۔اس درخواست پراگلے پیرکوسماعت ہوگی ۔چیف جسٹس دیپک مشرا کی سربراہی میں ایک بینچ معاملے پرسماعت کرے گی۔

روہنگیائی مسلمانوں کی اس درخواست کے ساتھ ہی پرشانت بھوشن کی درخواست پربھی سماعت کی جائے گی،بھوشن نے روہنگیا پناہ گزینوں کو میانمار واپس بھیجنے کے خلاف درخواست دائرکی ہے۔بتادیں کہ وزارت داخلہ کے مطابق 14ہزار روہنگیا پناہ گزین قانونی طور پر ہندوستان میں رہ رہے ہیں،جبکہ 40ہزار سے زائد افرادایسے ہیں جو غیر قانونی طور پر پناہ گزین ہیں۔بتادیں کہ ہندوستانی حکومت نے غیرقانون طورپررہ رہے روہنگیا مسلمانوں کو میانمار واپس بھیجنے کا فیصلہ کیاہے۔جب کہ وہاں سے کمیونٹی کے لوگوں پر ظلم کی تصاویرسامنے آرہی ہیں۔

ایک نظر اس پر بھی

میزورم میں اسرائیلی اشتراک کے ساتھ زراعت کے پہلے علاقائی مرکز کا افتتاح 7 مارچ کو

بھارت میں اسرائیل کے سفیر ڈینئل کارمن نے آج یہاں شمال مشرقی خطے کی ترقی کے مرکزی وزیر مملکت ( آزادانہ چارج )وزیر اعظم کے دفتر ، عملے ، عوامی شکایات اور پنشن ، ایٹمی توانائی اور خلاء کے وزیر مملکت ڈاکٹر جتیندر سنگھ سے ملاقات کی۔

کجریوال ایمانداراورمہذب آدمی ہیں،شتروگھن سنہانے گھیرا،نیرومودی کے معاملے کوچھپانے کے لیے چیف سکریٹری تنازعہ کھڑاکیاگیا

بی جے پی کے باغی لیڈر شتروگھن سنہا نے مبینہ طور پر بدھ کو کہا کہ بھگوا پارٹی پنجاب نیشنل بینک گھپلہ سے عوام کی توجہ ہٹانے کے لیے دہلی چیف سکریٹری معاملہ کو طول دے رہی ہے۔

دیوبند میں منایا جارہا ہے’’شریعت ہمارا اعزاز ہے‘‘ ہفتہ؛ اسلامک اکیڈمی کے ڈائرکٹر نے کی سراہنا؛ کہا ، پوری امت کی طرف سے فرض کفایہ

دفاع شریعت کے لئے معہد عائشہ صدیقہ قاسم العلوم للبنات دیوبند کی انتظامیہ اور فاضلات کی جانب سے ہفتہ ’’شریعت ہمارا اعزاز ہے ‘‘ پوری امت کی جانب سے فرض کفایہ ہے ،اور ملت کی خواتین میں شریعت کے حوالے سے بیداری لانے کی ایک عظیم کوشش ہے کیونکہ پچھلے کئی سالوں سے تحفظ حقوق نسواں کے ...