کل اتوار کو ہوگا بنگلور میں پی ایف آئی کا عظیم الشان جلسہ ’’ہمیں بھی کچھ کہنا ہے ‘‘ : ساحل آن لائن پر ہوگا پروگرام کا لائیو ٹیلی کاسٹ
بھٹکل:14/ اکتوبر (ایس اؤنیوز) پاپولر فرنٹ آف انڈیا کے زیراہتمام کل 15اکتوبر بروز اتوار کو دوپہر 2بجے بنگلورو کے پیالیس گراؤنڈ میں ’’ ہمیں بھی کچھ کہنا ہے ‘‘ کے مرکزی موضوع پر ایک اہم جلسہ منعقد کیا جارہا ہے ، جس کے لئے ریاست کے گوشے گوشے سے ہزاروں کی تعداد میں لوگ شریک ہوں گے۔ اس بات کی اطلاع پی ایف آئی کنداپور صدر محمد حنیف گنگولی نے دی ہے۔
اخبارنویسوں سے گفتگو کرتے ہوئے انہوں نے بتایا کہ کل اتوار کو ہونےو الے اجلاس میں سابق وزیر اعظم ایچ ڈی دیوے گوڈا، مشہور و معروف صحافی عزیز برنی ، چامراج پیٹ کے رکن اسمبلی ضمیر احمد خان، سابق مرکزی وزیر عاسکر فرنانڈیز ،میلوکوٹے کے رکن اسمبلی کے ایس پٹنیا،میسور کے اگنیان پرکاش سوامی جی ، پی ایف آئی کے قومی صدر ای ، ابوبکر ، سابق صدر کے ایم شریف، بی ٹی للتا نائک، ایل ہنومنتیا سمیت کئی سیاسی ، سماجی ، ادبی شخصیات اور علمائے کرام شریک ہونگے۔انہوں نے عوام سے کثیر تعداد میں وقت ِ مقررہ پر شریک ہوکر جلسہ کو کامیاب بنانےکی اپیل کی ہے۔
بنگلورو کے پیالیس گراؤنڈ میں منعقد ہونےو الے اس جلسہ کو ساحل آن لائن کے یو ٹیوب چینل پرلائیو ٹیلی کاسٹ کیا جارہاہے ، لوگ گھر بیٹھے براہ راست لائیو ٹیلی کاسٹ مندرجہ ذیل پتہ پر دیکھ سکتے ہیں، موبائل پر بھی پروگرام کا لائیو ٹیلی کاسٹ دیکھا جاسکتا ہے۔ لائیوٹیلی کاسٹ کا ڈائرکٹ اڈرس https://youtu.be/gd2pRrcGmTg
ساحل آن لائن کی ٹیکنیکل ٹیم نے قارئین سے درخواست کی ہے کہ قارئین پہلی فرصت میں ساحل ا ٓن لائن کے یو ٹیوب چینل کو سبسکرائب کریں، تاکہ لائیو ٹیلی کاسٹ شروع ہوتے ہی فوری طور پر بروقت اطلاع مل سکے۔ لائیو ٹیلی کاسٹ کے تعلق سے مزید جانکاری کے لئے 666 563 9480 +91 پر رابطہ کیا جاسکتا ہے۔