ووٹر طے کریں حیدرآباد میں حیدر چاہتے ہیں یا کچھ اور: اویسی 

Source: S.O. News Service | By Jafar Sadique Nooruddin | Published on 8th December 2018, 2:37 AM | ملکی خبریں |

حیدرآباد:7/دسمبر (ایس او نیوز/آئی این ایس انڈیا)تلنگانہ اور راجستھان میں پولنگ ہوئی ، مجلس اتحاد المسلمین کے سربراہ اسد الدین اویسی نے بھی حیدرآباد میں ووٹ دیا، انہوں نے لوگوں سے زیادہ تعداد میں ووٹ ڈالنے کی اپیل کی۔ اویسی نے کہا کہ حیدرآباد کے عوام کو یہ سوچنا چاہئے کہ وہ شہر کے نام میں حیدر کو ترجیح دیتے ہیں یا کسی دوسرے نام کو پسند کریں گے۔اویسی نے کہا کہ ایسا ہی کریم نگر کے عوام کو بھی سوچنا چاہئے کہ وہ شہر کا نام کیا چاہتے ہیں۔انہوں نے اپیل کہ تمام لوگوں کو 2014 میں ہوئی ووٹنگ سے زیادہ ووٹنگ کرنی چاہئے۔ یہ پہلی بار ہے جب نئی ریاست کے قیام کے بعد پولنگ ہو رہی ہے۔ انہوں نے نوجوانوں سے بھی اپیل کی۔ انہوں نے کہا کہ صرف گھر میں بیٹھنے سے کام نہیں چلے گا، ووٹ ضرور کریں۔غور طلب ہے کہ اتر پردیش کے وزیر اعلی یوگی آدتیہ ناتھ نے تلنگانہ میں مہم کے دوران شہروں کا نام تبدیل کرنے کی بات کی تھی۔یوگی نے کہا تھا کہ اگر ریاست میں بھارتیہ جنتا پارٹی کی حکومت آتی ہے تو حیدرآباد کا نام بدل کر’’ بھاگیہ نگر‘‘ کر دیا جائے گا۔ وہیں کریم نگر کا نام کری پورم کرنے کی بات کہی تھی ۔انتخابی مہم کے دوران اسد الدین اویسی اور یوگی آدتیہ ناتھ میں جم کر بیان بازی ہوئی تھی۔ یوگی نے ایک ریلی میں کہا تھا کہ اگر تلنگانہ میں بی جے پی کی حکومت بنتی ہے تو اویسی کو حیدرآباد سے اسی طرح فرار ہونا پڑے گا، جیسے مبینہ طور پر نظام کو بھاگنا پڑا تھا ۔ اس کے جواب میں اویسی نے جوابی وار کیا تھا، ان کا کہنا تھا کہ یہ ملک ان کا بھی ہے، تو کوئی انہیں بھگا نہیں سکتا ہے اویسی نے کہا کہ یوگی آدتیہ ناتھ تاریخ میں زیرو ہیں، یوگی کو کم از کم ہسٹری پڑھ کر ہسٹری کے متعلق بیان بازی کرنی چاہیے۔واضح ہو کہ تلنگانہ کی تمام 119 سیٹوں پر آج پولنگ ہو ئی ہے ۔ ریاست کے نتائج 11 دسمبر کو دیگر چار ریاستوں کے ساتھ ہی اعلان کیا جائے گا. ریاست میں اویسی کی پارٹی ٹی آر ایس کے ساتھ مل کر انتخابات لڑ رہی ہے۔ ایگزٹ پول کے مطابق ٹی آر سی کا پلڑا بھاری ہے ، بی جے پی کا کوئی امکان نہیں ہے ۔ 

ایک نظر اس پر بھی

ریاستیں کشمیری شہریوں کو تحفظ فراہم کرائیں،مرکز نے مشاورت جاری کی

پلوامہ دہشت گردانہ حملے کے پیش نظر ملک کے مختلف حصوں میں جموں کشمیر سے متعلق لوگوں پر حملے کی خبروں کے درمیان مرکزنے جمعہ کی رات تمام ریاستوں کو جموں کشمیر سے متعلق لوگوں کی حفاظت کو یقینی بنانے کی ہدایت دی۔

پی چدمبرم کا طنز، مودی کے رہتے بی جے پی کو کسی کی صلاح کی کیا ضرورت

لیفٹیننٹ جنرل (ریٹائرڈ) ڈی ایس ہڈا کو کانگریس کی جانب سے قومی سلامتی پرمشاورت تیار کرنے کی ذمہ داری دئے جانے کو لے کر وزیر خزانہ ارون جیٹلی کے حملے پر جوابی حملہ کرتے ہوئے کانگریس کے سینئر لیڈر پی چدمبرم نے ہفتہ کو طنز کیا

رابرٹ واڈرا نے عدالت میں عرضی داخل کر معاملے سے منسلک دستاویزات کی کاپیاں مانگی

منی لانڈرنگ کے معاملات میں انفورسمنٹ ڈائریکٹوریٹ (ای ڈی) کی جانچ کا سامنا کر رہے رابرٹ واڈرا نے ہفتہ کو دہلی کی ایک عدالت میں عرضی داخل کر جانچ ایجنسی سے کیس سے منسلک دستاویزات کی کاپیاں مانگی۔

ہماری حکومت بنی تو نیم فوجی دستوں کے جوانوں کو ملے گا شہید کا درجہ: راہل گاندھی

کانگریس صدر راہل گاندھی نے سنیچر کو کہا کہ آئندہ لوک سبھا انتخابات کے بعد ان کی پارٹی کی حکومت بننے پرملک کے لیے جان نچھاور کرنے والے نیم فوجی دستوں کے جوانوں کو بھی ’شہید‘ کا درجہ دینے کا بندوبست کیا جائے گا۔