پاکستان کی اشتعال انگیزی کا سخت جواب دیا جائے گا:وزیر داخلہ راجناتھ سنگھ

Source: S.O. News Service | By Shahid Mukhtesar | Published on 9th October 2017, 11:02 AM | ریاستی خبریں |

بنگلورو،8/اکتوبر(ایس او نیوز) مرکزی وزیر داخلہ راجناتھ سنگھ نے کہاکہ ہندوستان کو ٹکڑے کرنے کی پاکستان ناکام کوشش کررہا ہے ۔ اسی مقصد سے سرحد پر ہر دن پڑوسی ملک کی جانب سے جنگ بندی کی خلاف ورزی کی وجہ سے فائرنگ کا سلسلہ جاری ہے ۔ انہوں نے کہاکہ ہمارے جوان بلاوجہ گولیاں نہیں چلاتے اور پاکستان کی طرف سے فائرنگ پراس کا سخت جواب دیا جائے گا۔ شہرکے پیالس گراؤنڈ میں منعقدہ ریاستی سطح کے نویں وشواکرماسمیلن کا افتتاح کرنے کے بعد مرکزی وزیر داخلہ نے پاکستان کو مزید نشانہ بناتے ہوئے کہاکہ بار بار سرحد پر اشتعال انگیز کارروائیاں ہونے لگی ہیں ۔اس سے قبل اس کا صحیح جواب نہیں دیا جارہاتھا ان کی حکومت نے گزشتہ تین برسوں کے دوران سرحدی حفاظت پر خصوصی توجہ دے رکھی ہے ۔انہوں نے بتایا کہ ہندوستان امن وسلامتی کیلئے ہمیشہ پہل کرتا آرہا ہے ۔ لیکن پڑوسی ملک اس میں تعاون کرنے کی بجائے حالات کو بگاڑنے کی کوشش کررہا ہے۔ انہوں نے فوجی جوانوں کو ہدایت دی ہے کہ وہ ہر ایک گولی کا برابر جواب دیں۔ وزیر داخلہ نے بتایا کہ ہر دن ہمارے جوان 4سے 5 دہشت گردوں کو مارگرارہے ہیں ۔ہندوستان کو تکلیف پہنچانے اور ملک کو ٹکڑے کرنے کے مقصد سے پاکستان سرحد پر دہشت گردوں کو سرحد پار روانہ کرنے کی کوششوں میں لگا ہوا ہے ۔ انہوں نے کہاکہ ہندوستان عالمی طاقت بن کر ابھررہا ہے ۔ یہی وجہ ہے کہ چین کے ساتھ ڈوکلام مسئلہ حل ہوگیا ہے ۔ راجناتھ سنگھ نے مزید کہاکہ حالیہ برسوں میں ہندوستان کا وقار عالمی طورپر تبدیل ہوا ہے اور ہندوستان کو ایک طاقتور ملک کے طورپر دیکھا جارہا ہے ،یہ ایک بڑی کامیابی ہے ۔انہوں نے کہا کہ ڈوکلام سرحد پر امن کا ماحول دکھائی دے رہا ہے ۔ مرکزی وزیر داخلہ نے کہا کہ 2022 تک ’’نئے ہندوستان کی تعمیر‘‘ ان کا خواب ہے ۔اس کو شرمندہ تعبیر کرنے کے لئے ہمیں سیاسی طورپر تبدیل کرنی چاہئے۔ انہوں نے کہاکہ وزیر اعظم نریندر مودی ہرایک باشندے کی ترقی کے لئے کام کررہے ہیں ۔ سابقہ حکومتوں کے دور میں ہرسال کوئی نہ کوئی گھپلہ منظر عام پر آتاتھا۔ اس کے برعکس نریندرمودی کی مرکزی حکومت نے گزشتہ 3برس کے انتظامیہ کے دوران ایک بھی گھوٹالہ نہیں کیا ہے ۔ کالادھن اوررشوت خوری کے خاتمے کے لئے نوٹ بندی جیسا اہم قدم اٹھایاتھا جس کی وجہ سے ملک کے عوام مرکزی حکومت کی ستائش کرتے ہوئے اپنا بھرپور تعاون دے رہے ہیں ۔ انہوں نے کہاکہ نوجوان لڑکوں اور لڑکیوں کو روزگار کے بغیر ملک ترقی نہیں کرپائے گا۔ اسی لئے مرکزی حکومت نے کئی اسکیموں کو جاری کیا ہے۔ اس موقع پر آرٹ آف لیونگ کے شری شری روی شنکر اور دیگر اہم شخصیات کو اعزاز سے نوازاگیا۔ تقریب میں ننجنڈا سوامی مرکزی وزراء اننت کمار، سدانندا گوڈا، ایڈی یورپا اورپارٹی کے دیگر لیڈران موجود تھے ۔

ایک نظر اس پر بھی

کرناٹک کے اراکین پارلیمان کو آئی فون کا تحفہ دینے پر وزیر تنازعے میں گھِر گئے؛ بی جے پی نے کی مخالفت ؛راہل گاندھی نے طلب کیا جواب

وزیر آبی وسائل ڈی کے شیوکمار کی طرف سے ریاست کے سبھی اراکین پارلیمان کو تحفے میں قیمتی آئی فون دینے کا معاملہ تنازعے کے گھیرے میں آگیا ہے۔ ہر طرف سے وزیر موصوف کے اس اقدام کی مذمت کی جارہی ہے ، یہاں تک کہ وزیر اعلیٰ کمار سوامی اور کانگریس اعلیٰ کمان نے بھی وزیر موصوف کے اس اقدام ...

کمار سوامی کی آنسو پر سیاست جاری، کانگریس نے ایسا کچھ نہیں کیا کہ کمار سوامی کو آنسو بہانا پڑے:کرشنا بائرے گوڈا

وزیر اعلیٰ ایچ ڈی کمار سوامی کی طرف سے ایک جلسۂ عام میں آنسو بہانے کے معاملے پر سیاست رکنے کا نام نہیں لے رہی ہے۔آج ریاستی وزیر برائے دیہی ترقیات کرشنا بائرے گوڈا نے وزیر اعلیٰ کی اس حرکت پر ردعمل ظاہر کرتے ہوئے کہا کہ وزیراعلیٰ کمار سوامی کو آنسو بہانے کی نوبت آئے اس کے لئے ...

فطری اعتبار سے میں جذباتی ہوں : کمار سوامی

وزیر اعلیٰ ایچ ڈی کمار سوامی نے کہا ہے کہ سرکاری فیصلے لینے میں وہ جتنے سخت ہیں کسی کا دکھ دیکھنے پر وہ اتنے ہی جذباتی ہوجاتے ہیں۔ آج دہلی میں اخبار ی نمائندوں سے بات چیت کرتے ہوئے کمار سوامی نے کہاکہ ان کی فطرت جذباتی ہے اس کے لئے وہ کچھ نہیں کرسکتے۔ ریاستی عوام کی مشکلات ان سے ...

شہر میں عازمین حج کے لئے یک روزہ تربیتی کیمپ کا اہتمام، سفر حج میں رضائے الہٰی کو مقدم رکھیں: روشن بیگ

ریاستی حج کمیٹی کے ذریعے امسال سفر حج بیت اﷲ پر روانہ ہونے والے عازمین حج کے لئے آج بنگلور پیالیس کے ٹینس پویلین میں یک روزہ حج تربیتی کیمپ کا اہتمام کیاگیا۔رکن اسمبلی اور ریاستی حج کمیٹی کے چیرمین جناب روشن بیگ نے اس موقع پر عازمین حج سے مخاطب ہوکر انہیں سفر حج بیت اﷲ پر ...

مفت بس پاس کی فراہمی کا فیصلہ جلد: وزیر تعلیمات، تعلیمی مافیا ملک کے تعلیمی نظام پر حاوی : روشن بیگ

ریاستی وزیر برائے بنیادی وثانوی تعلیمات این مہیش نے اعلان کیا ہے کہ طلبا کو مفت بس پاسوں کی فراہمی کے لئے محکمۂ تعلیمات کی طرف سے 25 فیصد رقم فراہم کی جائے گی۔آج وسنت نگر میں محکمۂ تعلیمات بنگلور ضلعی انتظامیہ اور روٹری بنگلور آرکٹ کی جانب سے سرکاری کنڑا اور تمل اسکول کی نئی ...

وزیراعلیٰ خوش رہیں تو عوام بھی خوش رہیں گے: ڈی کے شیوکمار

ریاستی و زیر برائے آبی وسائل ڈی کے شیوکمار نے کہاہے کہ وزیراعلیٰ اگر خوش رہے تو ریاست بھی خوش رہے گی۔اسی لئے سب کو یہ کوشش کرنی چاہئے کہ وزیر اعلیٰ کو خوش رکھیں اور ریاست کا انتظامیہ چلانے میں ان کا ساتھ دیں۔ وزیر اعلیٰ کمارسوامی کی طرف سے آنسوبہائے جانے پر اپنا ردعمل ظاہر کرتے ...