اپنی صحت کیلئے کوہلی نے دی بڑی قربانی:کوچ کا انکشاف
نئی دہلی،18جنوری(ایس اونیوز/آئی این ایس انڈیا)ہندوستانی کرکٹ ٹیم کے کپتان وراٹ کوہلی کا اس وقت دنیا کے سب سے زیادہ فٹ کرکٹرز میں شمارہے۔گزشتہ چند سالوں میں انہوں نے اپنی فٹنس پر کافی کام کیاہے۔اس کا اثر ان کے کھیل پر بھی نظر آیا ہے،ان کے بچپن کے کوچ راج کمارشرمایادکرتے ہیں کہ ایک وقت تھاجب مکھن چکن، کاٹھی رول اور مٹن رول جیسی غذا کوہلی کی پسندیدہ ہواکرتی تھی۔کرکٹ ویب سائٹ سے بات چیت میں راج کمار نے کہا کہ دنیا کوہلی کی لگن اور فٹنس کی تعریف کرتی ہے لیکن میں یادکرتا ہوں کہ یہ فٹنس حاصل کرنے کیلئے انہوں نے کتنی قربانی دی ہے۔شرما بتاتے ہیں کہ کوہلی اپنی ڈائٹ کا اتنا خیال رکھتے ہیں کہ جب وہ ان کے گھر آتے ہیں تو پیک جوس نہیں پیتے،وہ یا تو تازہ جوس پیتے ہیں یا پھر بالکل نہیں۔