آئی سی سی ٹیسٹ رینکنگ میں کوہلی ٹاپ پربرقرار

Source: S.O. News Service | By Shahid Mukhtesar | Published on 4th September 2018, 1:36 PM | اسپورٹس |

دبئی،4؍ستمبر (ایس او نیوز؍آئی این ایس انڈیا) ہندوستانی کرکٹ ٹیم کے کپتان وراٹ کوہلی نے آئی سی سی کی ٹیسٹ بلے بازوں کی درجہ بندی میں اپنا ٹاپ مقام برقرار رکھا ہے جبکہ فاسٹ بولر محمد سمیع نے تین مقام کے فائدے کے ساتھ گیند بازوں کی درجہ بندی میں ٹاپ 20 میں واپسی کی ہے۔کوہلی نے انگلینڈ کے خلاف چوتھے ٹیسٹ میں 46 اور 58 رنز کی اننگز کے بعد کیریئر میں سب سے زیادہ 937 ریٹنگ پوائنٹس حاصل کئے۔ریٹنگ پوائنٹس کے لحاظ سے کوہلی اب تک بہترین بلے بازوں کی فہرست میں 11 ویں نمبر پر ہیں۔ انگلینڈ کے خلاف جاری ٹیسٹ سیریز میں کوہلی اب تک 544 رنز بنا چکے ہیں۔چتیشور پجارا ٹیسٹ بلے بازوں کی درجہ بندی میں چھٹے نمبر پر ہیں اور ہندوستان کے دوسرے بہترین بلے باز ہیں۔ ٹیسٹ گیند بازوں کی درجہ بندی میں سمیع 19 ویں مقام پر ہیں تو وہیں ایشانت شرما 25 ویں نمبر پر ہیں۔جسپریت ت بمراہ کیریئر میں سب سے زیادہ 487 پوائنٹس حاصل کر کے گیند بازوں کی درجہ بندی میں 37 ویں مقام پر قابض ہیں۔دوسری طرف چوتھے ٹیسٹ میں 78 اور 46 رنز کی اننگز کھیلنے والے انگلینڈ کے آل راؤنڈر کھلاڑی سیم کرین بلے بازوں کی درجہ بندی میں 43 واں مقام حاصل کیا جبکہ گیند بازوں کی فہرست میں 11 مقام کے فائدے کے ساتھ 55 ویں نمبر پر آ گئے۔وہ آل راؤنڈر کھلاڑیوں کی فہرست میں 27 مقام فائدے کے ساتھ 15 ویں نمبر پر ہیں۔پلیئر آف دی میچ منتخب کئے گئے اسپنر معین علی میچ میں اپنے نو وکٹ کی بدولت تین مقام کے فائدے کے ساتھ گیند بازوں کی درجہ بندی میں 33 ویں مقام پر پہنچ گئے۔ٹیسٹ میچ کی دو اننگز میں بالترتیب پانچ اور چار وکٹ لینے والے آف اسپنر معین نے 66 پوائنٹس حاصل کئے اور ان کی ریٹنگ پوائنٹس 543 ہو گئی۔وہ آل راؤنڈرکھلاڑیوں کی درجہ بندی میں بھی ایک مقام کے فائدے کے ساتھ ساتویں نمبر پر پہنچ گئے۔جوس بٹلر بھی کیریئر کی بہترین 32 ویں نمبر پر پہنچ گئے۔آل راؤنڈر بین اسٹوکس نے بھی ٹیسٹ بلے بازوں کی فہرست میں 29 واں مقام حاصل کیا۔

ایک نظر اس پر بھی

گروسدھیندرا کالج بھٹکل اور جے جی کالج ہبلی نے جیتا کرناٹکا یونیورسٹی شٹل بیڈمنٹن زونل چمپئین کا خطاب؛ بھٹکل انجمن کو سوم مقام

یہاں انجمن ڈگری کالج بھٹکل کے زیراہتمام روٹری کلب میں منعقدہ دو روزہ کرناٹکا یونیورسٹی دھارواڑ سے ملحق کالجوں کے درمیان مردوں اور عورتوں کے زونل لیول شٹل بیڈمینٹن ٹورنامنٹ میں  شری گرو سدھیندرا کالج بھٹکل اور جے جی کالج  ہبلی نے زبردست پرفارمینس پیش کرتے ہوئے بالترتیب ...

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔