نسلی تبصرہ معاملے پر مکند کی حمایت میں اترے کپتان کوہلی اور ٹیم انڈیا

Source: S.O. News Service | Published on 11th August 2017, 7:04 PM | ملکی خبریں | اسپورٹس |

نئی دہلی،11اگست(ایس او نیوز/آئی این ایس انڈیا)ٹیم انڈیا کے اوپننگ بلے بازابھینو مکند حال ہی میں نسلی تبصرے کے شکار بنے تھے۔ سوشل میڈیا پر ان کی تصاویر پر کچھ لوگوں نے انتہائی  شرمناک تبصرے کئے تھے، اگرچہ مکند نے اس کا جواب مثبت انداز میں دینے کا فیصلہ کیا۔مکند نے نہ صرف اپنے بلکہ ہر اس شخص جس کے ساتھ کبھی نہ کبھی اس طرح کا واقعہ ہوا ہے، ان میں سے سب کے لئے آواز اٹھائی۔ انہوں نے ایک حساس ٹوئٹ کے ذریعے اپنے جذبات کا اظہارکیا اور اب ان کی حمایت میں کپتان وراٹ کوہلی سمیت ٹیم انڈیا کے کئی کھلاڑی اتر آئے ہیں۔کپتان کوہلی نے ٹویٹ کیا کہ بہت اچھا کہا ابھینو۔ مکند نے سوشل میڈیا پر نسل پرستانہ تبصرے پر کرارا جواب دیتے ہوئے کہا ہے کہ اپنی جلد کے رنگ کی وجہ سے وہ خود برسوں سے یہ ذلت جھیلتے آئے ہیں۔صرف کوہلی ہی نہیں روی چندرن اشون اور ہاردک پانڈیا نے بھی ان کی حمایت کی۔ اشون نے لکھا کہ پڑھیں مزیدلیں، اسے بڑا مسئلہ نہیں بنائیں کیونکہ یہ کسی کے جذبات ہیں۔ یہاں تک کہ بیڈمنٹن کھلاڑی جوالہ گٹا بھی مکند کا بیان پڑھنے کے بعد ان کی حمایت میں آئیں۔مکند نے اپنے ٹویٹر پیج پر ایک بیان میں جلد کے رنگ کو لے کر بھیجے گئے کچھ پیغامات پر مایوسی ظاہر کی ہے۔ مکند نے سری لنکا کے خلاف سیریز کے پہلے ٹیسٹ کی دوسری اننگز میں 81 رنز بنائے تھے۔ تمل ناڈو کے اس بلے باز نے واضح کیا کہ ان کے بیان میں ہندوستانی کرکٹ ٹیم کے کسی رکن سے کوئی سروکار نہیں ہے۔

ایک نظر اس پر بھی

اروندر سنگھ لولی کی کانگریس میں واپسی، بی جے پی میں نظریاتی طور پر ’’بے میل ‘‘تھا :اروندسنگھ لولی

دہلی کانگریس کے سابق صدر اروندرسنگھ لولی کی آج کانگریس میں’’ گھر واپسی‘‘ ہو گئی۔ کچھ ماہ قبل پارٹی چھوڑ کر بی جے پی میں شامل ہوئے لولی نے کہا کہ وہ نے کہا کہ وہاں وہ ’’ نظریاتی طور پر بے میل ‘‘ تھے۔

گورکھپوراورپھول پور لوک سبھا ضمنی الیکشن کے لیے کانگریس نے امیدواروں کے نام کااعلان کیا

کانگریس نے گورکھپور اور پھول پورلوک سبھا سیٹوں پر ضمنی انتخابات کے لیے اپنے امیدواروں کااعلان کر دیاہے۔اتر پردیش کانگریس کے ترجمان وریندر مدان نے بتایا کہ پارٹی نے ڈاکٹر سرہیتا کریم کو گورکھپور اور منیش مشرا کو پھول پور لوک سبھاسیٹ پر ضمنی انتخاب کے لیے امیدواربنایاہے۔

تری پورہ اسمبلی الیکشن کے لئے تمام تیاریاں مکمل؛کل ہوگی ووٹنگ

تری پورہ میں اسمبلی کے انتخابات کے لیے تمام تیاریاں مکمل ہو چکی ہیں۔جمعہ کو انتخابی مہم ختم ہونے کے بعد،اتوار کے روز سب کی نگاہیں اب ووٹنگ پرہیں۔دراصل، تری پورہ میں کل یعنی اتوار کو انتخابات ہونے ہیں اور بھارتیہ جنتا پارٹی ان انتخابات میں حکمران بائیں محاذ کے سامنے اہم ...

دبئی کے قریب عجمان میں 16 مارچ سے شروع ہوگا بی پی ایل کرکٹ ٹورنامنٹ؛ کھلاڑیوں کی نیلامی کے دوران انس مُلا سب سے مہنگے کھلاری

بھٹکل پریمیر لیگ کرکٹ ٹورنامنٹ اس بار امین سیف اللہ بی پی ایل 2018 کے نام سے  جانا جائے گا جس کا آغاز16 مارچ سے  عجمان کے ایڈن گارڈن گرائونڈ میں ہوگا، البتہ جمعہ کو اس ٹورنامنٹ کے لئے کھلاڑیوں کی بولی لگائی گئی جس میں انس مُلا سب سے مہنگے کھلاڑی کے طور پر سامنے آئے ہیں۔ ان کے بعد ...