تینوں فارمیٹ میں وراٹ کا 50سے زائدکااوسط، ایسا کرنے والے بنے دنیا کے اکلوتے کھلاڑی
گالے ،29جولائی(ایس او نیوز؍آئی این ایس انڈیا)ہندوستان اور سری لنکا کے درمیان گال میں کھیلے جا رہے ٹیسٹ میچ میں ٹیم انڈیا نے اپنی دوسری اننگز میں بھی اپنا دبدبہ برقرار رکھا۔دوسری اننگز میں ٹیم انڈیا نے وراٹ کوہلی کی 17ویں ٹسٹ سنچری اور ابھینو مکند کی شاندار 81رنز کی اننگز کی بدولت سری لنکا کے سامنے 550رنز کا پہاڑ جیسا ہدف رکھا ہے۔سری لنکا کے خلاف پہلی اننگز میں فلاپ رہے کپتان وراٹ کوہلی نے دوسری اننگز میں شاندار 103رنز کی اننگز کھیلی۔اسی کے ساتھ ہی وراٹ کوہلی نے کئی رکارڈس اپنے نام کئے ہیں۔
گالے ٹیسٹ میں سنچری جڑنے کے ساتھ ہی ٹیم انڈیا کے کپتان وراٹ کوہلی کا ٹیسٹ کرکٹ میں بلے بازی اوسط اور بہتر ہو گیا۔ٹیسٹ میں ان کا بلے بازی اوسط 50.03کا ہو گیا ہے۔ون ڈے کرکٹ کی بات کریں، تو کوہلی کااوسط 54.68ہے۔اس کے علاوہ ٹی 20انٹرنیشنل میں وہ 53کی اوسط رکھتے ہیں۔آپ کو بتا دیں کہ موجودہ وقت میں وراٹ کوہلی دنیا کے اکلوتے بلے باز ہیں، جن کا کرکٹ کے تینوں فارمیٹ میں اوسط 50یا اس سے زیادہ کا ہے۔ہندوستانی کپتان وراٹ کوہلی نے اب تک اپنے ٹیسٹ کیریئر میں 17سنچریا لگائی ہیں لیکن گال ٹیسٹ میں سنچری جڑ کر انہوں نے ٹیسٹ میچ کی تیسری اننگز میں اپنا پہلی سنچری لگائی ہے۔
وراٹ کوہلی بطور کپتان اب تک کل 10ٹیسٹ سنچری جڑ چکے ہیں۔اسی کے ساتھ ہی انہوں نے اب بطور کپتان ٹسٹ سنچری لگانے کے معاملے میں سابق ہندوستانی کپتان محمد اظہر الدین کوپچھاڑا ہے۔کپتان رہتے ہوئے سب سے زیادہ ٹسٹ سنچری لگانے کے معاملے میں سنیل گواسکر سب سے آگے ہیں۔انہوں نے بطور کپتان کل 11سنچریاں لگائی ہیں جبکہ وراٹ کوہلی نے 10تو، وہیں اظہر نے 9سنچریا لگائی ہیں۔