وراٹ کوہلی ٹاپ پربرقرار، ربادا پھر بنے نمبر ون گیندباز

Source: S.O. News Service | By Staff Correspondent | Published on 28th November 2018, 8:00 PM | اسپورٹس |

دبئی ،28؍ نومبر (آئی این ایس انڈیا؍ایس ا و نیوز) ہندوستانی کپتان وراٹ کوہلی آسٹریلیا کے خلاف چار ٹیسٹ میچوں کی اہم سیریز سے پہلے آئی سی سی ٹیسٹ بلے بازی رینکنگ میں ٹاپ پربنے ہوئے ہیں جبکہ جنوبی افریقہ کے کیگسو ربادا پھر ایک بار دنیا کے نمبر ون  ٹیسٹ بولر بن گئے ہیں۔آئی سی سی کی بدھ کو یہاں جاری رینکنگ کے مطابق کوہلی کے 935 پوائنٹس ہیں۔

آسٹریلیا کے خلاف وہ اپنے درجہ بندی پوائنٹس میں بہتری کی کوشش کریں گے۔کوہلی کی ٹاپ درجہ بندی کو فی الحال کوئی خطرہ نہیں ہے کیونکہ دوسرے نمبر پر قابض اسٹیو سمتھ (910 پوائنٹس) کے ساتھ معطلی کی وجہ سے باہر کردیا گیا ہے اور وہ آئندہ سیریز میں نہیں کھیل پائیں گے۔اس سے ان کی درجہ بندی 900 پوائنٹس سے نیچے آنا طے ہے۔بولنگ رینکنگ میں ٹاپ پر تبدیلی ہوئی ہے اور ربادا دوبارہ نمبر ایک بولر بن گئے ہیں۔ انہوں نے انگلینڈ کے جیمس اینڈرسن کی جگہ لی ہے جو سری لنکا کے خلاف آخری ٹیسٹ میچ میں نہیں کھیل پائے تھے۔

اس سے اینڈرسن کو نو ریٹنگ پوائنٹس کا نقصان ہوا اور وہ اب ربادا سے آٹھ پوائنٹس پیچھے ہیں۔پاکستان کی نیوزی لینڈ کے خلاف دوسرے ٹیسٹ میچ میں فتح کے بعد جاری رینکنگ میں ہندوستانی آف اسپنر روی چندرن اشون بھی ساتویں نمبر پر پہنچ گئے ہیں۔روندر جڈیجہ (پانچویں) اب بھی ہندوستان کے نمبر ایک گیندباز بنے ہوئے ہیں۔

اشون کو ٹرینٹ بولٹ آٹھویں نمبر پر کھسکنے کا فائدہ ملا ہے۔پاکستان کے یاسر شاہ نے نیوزی لینڈ کے خلاف 14 وکٹ لینے کی وجہ سے دسویں مقام پر پہنچ گئے ہیں۔یاسر کے علاوہ بنگلہ دیش کے تاج الاسلام اپنے کیریئر کے بہترین 21 ویں مقام پر پہنچ گئے ہیں۔بین اسٹوکس (28 ویں، تین مقام سے اوپر)، دیویندر بشو (32 ویں، دو مقام سے اوپر)، عادل راشد (کیریئر کی بہترین 36 ویں، دو مقام سے اوپر)، جیک لیچ (41 ویں، دو مقام سے اوپر)، لچھمن سنداکن(45 ویں، 11مقام اوپر) اور مالدا پشپکمار (61 ویں، 15 مقام سے اوپر) کی درجہ بندی میں بھی بہتری آئی ہے۔ہندوستانی بلے بازوں میں کوہلی کے علاوہ صرف چتیشور پجارا (چھٹے) ٹاپ دس میں شامل ہیں۔چوٹی کے دس بلے بازوں میں صرف ایک فرق آیا ہے اور دنیش چنڈیمل کی جگہ عثمان خواجہ دسویں نمبر پر قابض ہو گئے ہیں۔اجنکیا رہانے دو مقام نیچے 19 ویں مقام پر کھسک گئے ہیں جبکہ لوکیش راہل 24 ویں مقام پر پہنچ گئے ہیں۔

جن بلے بازوں کی درجہ بندی میں بہتری آئی ہے ان میں اظہر علی (تین مقام12 ویں)، جانی بیرسٹو (چھ مقام 16 ویں)، ہنری نکولس نے (تین مقام 17 ویں)، جوس بٹلر (تین مقام 18 ویں)، کسال مینڈس (آٹھ مقام اوپر 20 ویں) مومن الحق (11 مقام 24 ویں)، اسٹوکس 31 ویں وغیرہ بھی شامل ہیں۔اسٹوکس آل راؤنڈرو ں کی فہرست میں ٹاپ پانچ میں پہنچ گئے ہیں۔اس فہرست میں شکیب الحسن پہلے اور روندر جڈیجہ دوسرے مقام پر بنے ہوئے ہیں۔

ایک نظر اس پر بھی

دبئی کے قریب عجمان میں منعقدہ امین سیف اللہ "بی پی ایل" کرکٹ ٹورنامنٹ میں این جی ٹی بلٹز کی شاندار کامیابی

 امین سیف اللہ بھٹکل پریمئر لیگ(بی پی ایل)  2019 کرکٹ ٹورنامنٹ  کے فائنل میں این جی ٹی بلٹز نے شاندار کھیل کا مظاہرہ پیش کرتے ہوئے  الکریمی چیمپئن کوشکست دے کر بی پی ایل چیمپئن شپ حاصل کرلی ہے۔ خیال رہے کہ این جی ٹی ٹیم  مسلسل آٹھ سالوں سے بی پی ایل ٹورنامنٹ  میں حصہ لے رہی تھی، ...

بچوں کوکھیل میں مکمل کوچنگ فراہم کرکے اُنہیں انٹرنیشنل سطح پر لے جانے 15 اپریل کو ہوگا بھٹکل اسپورٹس اکیڈمی کا شاندار افتتاح

بھٹکل میں ہرسال  بھٹکل کی بڑی بڑی ٹیموں کے زیراہتمام  کرکٹ کے عالیشان ٹورنامنٹ منعقد ہوتے رہتے ہیں   اور  میچوں میں بھٹکل کے   کھلاڑیوں کے پرفارمینس اور اُن کی شاندار کارکردگی کو دیکھتے ہوئے پروگرام میں شریک مہمان خصوصی ہر بار کھلاڑیوں اور آرگنائزرس کی تعریف کرتے ہوئے اس ...

بھٹکل اسپورٹس اکیڈمی  کے زیرا ہتمام کرکٹ کھلاڑ یوں کا سلیکشن ٹرائل: کے ایس سی اے کے انڈر14اور انڈر16 کرکٹ ٹورنامنٹ میں حصہ لینے کا  سنہرا موقع

اپریل کے پہلے ہفتہ میں افتتاح ہونے والی بھٹکل اسپورٹس اکیڈمی، پہلے مرحلے کے طورپر کرناٹکا اسٹیٹ کرکٹ اسوسی ایشن (کے ایس سی اے )کے زیرسرپرستی  14اور16سالہ کرکٹ ٹورنامنٹ اپریل کےمہینے میں ہبلی  میں کھیلا جائے گا جس میں اکیڈمی کی ٹیم شریک ہونےکی  اکیڈمی کے ذمہ دار کے ایم وسیم نے ...

سنسنی خیز میچ میں ہندوستان نے آسٹریلیا کو 8 رنوں سے دی شکست ، سیریز میں 2-0 برتری حاصل

کپتان وراٹ کوہلی (116) کے 40ویں سنچری اور جسپریت بمراہ کی ڈیتھ اووروں کی کمال کی گیندبازی اور وجے شنکر کی کرشمائی آخری اوور کی بدولت ہندوستان نے یہاں ودربھ کرکٹ ایسوسی ایشن اسٹیڈیم میں آسٹریلیا کو دوسرے ون ڈے مقابلے میں منگل کو آٹھ رن سے ہراکر اپنے ون ڈے کی تاریخ کی 500ویں جیت ...

لکھنو میں منعقدہ آل انڈیا مدرسہ اتھلیٹک چمپئن شپ میں بھٹکل کے تین طلبا کا شاندار پرفارمینس

لکھنو میں منعقدہ  آل انڈیا مدرسہ اتھلیٹک چمپئن شپ مقابلوں میں بھٹکل اور اطراف کے طلبا نے  شاندار پرفارمینس پیش کرتے ہوئے اسپورٹس میں بھی   اپنی صلاحیتوں کا لوہا منوانے میں کامیاب ہوگئے ہیں۔