کوہلی دنیا کے سب سے زیادہ کمائی کرنے والے کھلاڑیوں میں شامل

Source: S.O. News Service | By Shahid Mukhtesar | Published on 7th June 2018, 12:32 PM | اسپورٹس |

نیویارک ،06؍جون( ایس او نیوز؍آئی این ایس انڈیا ) ہندوستانی کرکٹ کپتان وراٹ کوہلی دنیا کے سب سے زیادہ کمائی کرنے والے کھلاڑیوں میں شامل ہو گئے ہیں جبکہ فوربس کی اس فہرست میں امریکہ کے چمپئن باکسر فلایدمیویدرسب سے اوپر ہیں۔اس فہرست میں ہندوستان سے صرف کوہلی کا نام ہے جو دو کروڑ 40 لاکھ ڈالر کی کمائی کے ساتھ 83ویں نمبر پر ہیں۔دنیا میں سب سے زیادہ کمائی کرنے والے کھلاڑیوں کی فہرست میں ٹاپ100 میں کوئی خاتون نہیں ہے۔کرکٹ کے دیوانے ہندوستان میں کوہلی سب سے بڑا نام ہی نہیں بلکہ کافی مقبول بھی ہے۔ان کی ٹویٹر پر ڈھائی کروڑ سے زیادہ پھالور ہیں۔میویدراس فہرست میں سب سے اوپر ہیں جن کی گزشتہ سال کی کمائی 25کروڑ 50 لاکھ ڈالر ہے۔فوربس نے کہا کہ کوہلی کی بڑی کمائی پچ کے باہر ہے جس میں وہ پوما، پیپسی، آڈی اور اوکلے جیسی بڑی کمپنیوں کے برانڈ سفیر ہیں۔فوربس نے کہا کہ خاتون ٹینس اسٹار لنا، ماریا شارپووااور سرینا ولیمز فہرست میں تھے لیکن لی 2014میں ریٹائر ہو گئی جبکہ شاراپووا 15ماہ کے ڈوپ معطلی کے بعد واپسی کی امید میں ہے۔ سرینا ستمبر میں بیٹی کی پیدائش کے بعد سے واپسی کی کوشش میں ہے۔اس فہرست میں این بی اے کے 40کھلاڑی ہیں۔ میویدرسات سال میں چوتھی بار ٹاپ پر پہنچے ہیں۔ارجنٹینا کے اسٹار فٹبالر لیونیل میسی دوسرے نمبر پر ہیں جبکہ پرتگال کے اسٹار اسٹرائیکر تیسرے مقام پر ہیں۔ میسی کی تنخواہ اور بونس آٹھ کروڑ ڈالر سے زیادہ ہے جبکہ ڈھائی کروڑ ڈالر سے زیادہ انہیں ایڈیڈاس، گیٹوریڈ، پیپسی اور ہویئی کے اشتہارات سے ملتے ہیں۔رونالڈو کی کمائی دس کروڑ آٹھ لاکھ ڈالر رہی۔برازیل کے فٹ بال اسٹار نیمار 13 مقام کی چھلانگ لگا کر پانچویں نمبر پر ہیں جن کی کمائی نو کروڑ ڈالر رہی۔ٹینس اسٹار راجر فیڈرر ساتویں، گولفر ٹائیگر وڈز 16 ویں، ٹینس اسٹار رپھیل نڈال 20ویں اور گولفر روری میکلروی 26 ویں نمبر پر ہیں۔ٹاپ100 میں 22 ممالک کے کھلاڑی ہیں جن میں66 امریکی ہیں۔بیس بال، باسکٹ بال اور فٹ بال کے 72 کھلاڑی اس فہرست میں ہیں۔

ایک نظر اس پر بھی

ہبلی میں منعقدہ کرکٹ ٹورنامنٹ میں بھٹکل ٹیم کی زبردست کامیابی؛ ٹیم کی بھٹکل آمد پر شاندار استقبال

کرناٹکااسٹیٹ  کرکٹ اسوسی ایشن (KSCA) کے زیر اہتمام ہبلی میں منعقدہ چوتھے  زونل لیول کرکٹ ٹورنامنٹ میں بھٹکل سی سی نے  زبردست  جیت حاصل کی ہے، اس جیت  کے ساتھ ہی بھٹکل کے کرکٹ  کھلاڑی کامیابی کے پہلے زینہ  کو پارکرنے میں کامیاب ہوگئے ہیں ۔ جیت  حاصل کرنے کے بعد جب ٹیم بھٹکل ...

پانچویں ونڈے میں شاندار جیت کے ساتھ ہندوستان کا سیریز پر 1-4 سے قبضہ

مڈل آرڈر کے بلے باز امباٹی رائیڈو کی 90 رن کی شاندار اننگز اور آل راؤنڈر ہاردک پانڈیا (45 رن اور دو وکٹ) کی بہترین آل راونڈر کارکردگی کی بدولت ہندوستان نے نیوزی لینڈ کو پانچویں اور آخری ون ڈے میں آج 35 رن سے شکست دے کر پانچ میچوں کی سیریز 4-1 سے اپنے نام کرلی۔

دوسرے ٹی 20 میچ میں جنوبی افریقہ نے پاکستان کو 7 رنوں سے شکست دی

جنوبی افریقہ اور پاکستان کے درمیان تین ٹی 20 میچوں کی سیریز کے دوسرے میچ میں  کپتان ڈیوڈ ملر کی طوفانی اننگز اور اس کے بعد آخری اوورس میں گیند بازوں کی اچھی گیند بازی کی بدولت جنوبی افریقہ نے سنسنی خیز مقابلہ میں پاکستان کو7 رنوں سے شکست دی ۔ ساتھ ہی ساتھ جنوبی افریقہ نے ...

دبئی کے قریب عجمان میں منعقدہ نوائط پریمیر لیگ کرکٹ ٹورنامنٹ میں ڈی وی ایس یونائٹیڈ کی شاندار جیت؛ الکریمی چیلنجرس کو فائنل میں شکست

دبئی کے قریب عجمان کے  ایڈن گارڈن میدان میں منعقدہ ایز ٹیکس نوائط پرئمیر لیگ (این پی ایل)  کرکٹ کا پہلا ٹورنامنٹ  ڈی وی ایس یونائیٹید نے جیت لیا، جس کے ساتھ ہی  پانچ ٹیموں پر مشتمل یہ ٹورنامنٹ کامیابی کے ساتھ اختتام پذیر ہوا۔