ستنا 19/مئی (ایس او نیوز) مدھیہ پردیش کے ستنا ضلع میں کل جمعہ کو  مبینہ طور پر گئو کشی کے الزام میں ایک ہجوم نے  دو لوگوں پر جان لیوا حملہ کیا جس کے نتیجے میں  ایک نوجوان کی موقع پر ہی  موت واقع ہوگئی، جبکہ  متوفی کا ساتھی اس حملہ میں بری طرح زخمی ہوگیا ہے۔

ذرائع سے ملی اطلاع کے مطابق حملے کے تعلق سے  پولیس نے بتایا کہ بدیرا تھانہ کے عام گار گاؤں میں گئوکشی کے شبہ میں ایک ہجوم نے دو لوگوں پر حملہ کردیا۔ اس حملے میں بری طرح زخمی ایک نوجوان کی جائے واردات پر ہی موت واقع ہوگئی جب کہ دوسرے زخمی نوجوان کو ضلعی  اسپتال میں داخل کرایا گیا ہے۔ 

ذرائع کے مطابق واقعے کے بعد ستنا میں حالات کشیدہ ہوگئے ہیں۔