بی جے پی ایم ایل اے آنند سنگھ نے کرناٹک اسمبلی سے دیا استعفیٰ
بنگلورو، 28؍ جنوری (ایس او نیوز؍آئی این ایس انڈیا)وجے نگر کے بی جے پی ممبر اسمبلی آنند سنگھ نے کرناٹک اسمبلی سے اپنا استعفی دیتے ہوئے کہا ہے کہ وہ پارٹی کے اندر اختلاف اور گروہ بندی سے تنگ آ چکے ہیں۔ ممبر اسمبلی نے رانے بننور میں کرناٹک اسمبلی کے صدر کے بی کولیواڈ اس کی رہائش گاہ پہنچ کر استعفیٰ دیا، کولیواڈ نے ان کااستعفیٰ قبول کرلیاہے،بعد میں سنگھ نے صحافی کو بتایا کہ وہ پارٹی کے اندر اختلاف اور گروہ بندی کے ساتھ تنگ آچکے تھے۔بی جے پی سے ان کے استعفیٰ کے ایک دن بعد ان کے حامیوں نے بھی پارٹی چھوڑتے ہوئے کہاکہ وہ اپنے لیڈرکے لیے کام کریں گے۔یہ استعفیٰ اس وقت آیا جب چند مہینے بعد اسمبلی کے انتخابات ہونے جا رہے ہیں۔