نئی دہلی:24/اپریل(ایس او نیوز/آئی این ایس انڈیا)دہلی کے وزیر اعلی اروند کیجریوال نے پنجاب اسمبلی انتخابات میں شکست اور کل ایم سی ڈ ی انتخابات میں ووٹنگ کے دوران ای وی ایم پر سوال اٹھایا تھا، اس کی وجہ سے ان کی چاروں طرف تنقید ہو رہی ہے۔اسی کڑی میں مرکزی حکومت میں وزیر اور بی جے پی لیڈر وجے گوئل نے اپنے ٹوئٹ کے ذریعے اروند کیجریوال پر تنقید کی ہے۔وجے گوئل نے ٹویٹ کیا،”بیٹھے بیٹھے کیا کریں،کرنا ہے کچھ کام، شروع کرو ای وی ایم بہانہ لے کر ڈرامہ کوئین کیجریوال کا نام“۔انہوں نے اگلے ٹوئٹ میں کہا کہ کھانسنے اور جمہوری اداروں اور کاموں پر الزام لگانے کے بجائے بہتر ہو گا کہ آپ الیکشن لڑیں،جو آپ کے ذاتی مفادات کے مطابق ہیں۔ اس کے بعد گوئل نے ٹوئٹ کرکے کہا، اوہ نو ناٹ اگین، جاؤ جلدی جاؤ،ڈاکٹر کو فون کرو،نبض دکھاؤ،کیجریوال کا حال بتاؤ، ان کا ای وی ایم بخارپھر سے شروع ہو گیا ہے۔دہلی میونسپل کارپوریشن انتخابات کے درمیان وزیر اعلی اروند کیجریوال نے ریاستی الیکشن کمیشن کو آڑے ہاتھوں لیا ہے۔ای وی ایم کی گڑبڑی کی شکایات کے درمیان کیجریوال نے سوال کیا کہ الیکشن کمیشن اس بارے میں کیا کر رہا ہے۔انہوں نے الزام لگایا کہ پرچیاں لے کر جانے والے رائے دہندگان کو بھی ووٹ نہیں ڈالنے دیا گیا۔