نئی دہلی6ستمبر(ایس او نیوز؍آئی این ایس انڈیا)فروغ انسانی وسائل کے وزیر پرکاش جاوڈیکر نے کہا ہے کہ اب سفارشات کی بنیاد پر نہیں بلکہ کام کی بنیاد پر اساتذہ کوایوارڈدیے جائیں گے اور اس وجہ سے اس بار قومی اساتذہ ایوارڈ کے انتخاب میں عمل تبدیل کی گئی ہے۔مسٹر جاوڈیکر نے آج یہاں یوم اساتذہ کے موقع پر وگیان بھون میں منعقد ہونے والے ایوارڈ تقریب میں یہ بات کہی ہے۔اس موقع پر ملک کے صرف45منتخب اساتذہ کو انعام دیا گیا تھا۔ نائب صدر ایم وینکیا نائیڈو نے ان اساتذہ کو میڈل، سند اور 50ہزار روپے کاچیک پیش کرکے انہیں نوازا۔ اس سے پہلے، ہر سال تین سو سے زائد اساتذہ کو ہر سال انعام دیا جاتا تھا۔انسانی وسائل کی ترقی کے وزیر نے کہا کہ پہلے اساتذہ ایوارڈ کے لئے ریاستوں سے سفارشات آتی تھیں لیکن اس بار انتخاب کے عمل کو تبدیل کر دیا گیا ہے اور اسے شفاف بنا دیا ہے۔ ایوارڈز اب سفارشات کی بنیاد پر کام کی بنیاد پر نہیں دیئے جائیں گے۔ اب ایوارڈ کے لیے اختراعات کو فروغ دینے والوں کو موقع دیا ہے۔انہوں نے کہا کہ اب استاذخود اپنا نام پیش کر سکتے ہیں ۔ ان اساتذہ نے خود آن لائن درخواست دی اور اپنے کام کا ویڈیو ڈاؤن لوڈ کیا۔ کل 6500 اساتذہ کی درخواستیں ملیں۔ ہر ضلع سے تین تین نام آئے اور پھر ان کی چھٹائی کے بعدچھوٹی بڑی ریاستوں سے تین سے لے کر چھ اساتذہ کے نام آئے اوراس طرح کل ڈیڑھ سو اساتذہ منتخب ہوئے۔پھر ایک قومی جیوری نے ان میں سے ایوارڈکے لیے45اساتذہ کاانتخاب کیاہے۔انہوں نے کہاکہ اس وقت ایوارڈ ان لوگوں کو دیا گیا جن کے نام پہلے نہیں آسکے تھے۔ انہوں نے کہاہے کہ ان انعام یافتہ اساتذہ میں سے کئی ایسے ہیں جنہوں نے طالب علموں کو سکھانے کے لیے خود موبائل ایپلی کیشن بنائے ۔